ఎంపీ రఘురామకృష్ణ రాజు అరెస్ట్ విషయంలో ఏపీ ప్రభుత్వంపై హైకోర్టు ఆగ్రహం వ్యక్తం చేసింది.మెజిస్ట్రేట్ కోర్టు ఆర్డర్స్ రద్దు చేయాలంటూ ఏపీ ప్రభుత్వం దాఖలు చేసిన లంచ్ మోషన్ పిటిషన్ ను హైకోర్టు విచారించింది. ఈ సందర్భంగా హైకోర్టు, మెజిస్ట్రేట్ ఉత్తర్వులను ఎందుకు అమలు చేయలేదని ప్రభుత్వాన్ని ప్రశ్నించింది. మధ్యాహ్నాం 12 గంటలకు మెడికల్ రిపోర్టు ఇవ్వాలని ఆదేశిస్తే... సాయంత్రం 6 గంటల వరకు కూడా ఎందుకివ్వలేదని ఆగ్రహం వ్యక్తం చేసింది. ప్రభుత్వంపై సుమోటోగా కోర్టు ధిక్కరణ నోటీసులివ్వాలని జ్యూడిషియల్ రిజిస్ట్రార్ ను ఆదేశించింది. సీఐడీ అడిషనల్ డీజీ,స్టేషన్ హౌస్ ఆఫీసర్ కు నోటీసులు జారీ చేయాలని ఆదేశించింది.
