శంషాబాద్, వెలుగు: భార్య తనను విడిచి పెట్టి పుట్టింటికి వెళ్లిందనే మనస్తాపంతో భర్త సూసైడ్ చేసుకున్న ఘటన మైలార్ దేవ్పల్లి పీఎస్ పరిధిలో జరిగింది. అబ్దుల్ షాహెద్ ఖాన్(38) మైలార్ దేవ్పల్లి పరిధి వట్టేపల్లిలోని సైఫి కాలనీలో ఉంటున్నాడు. అతడికి భార్య,కూతురు(10), కొడుకు(8) ఉన్నాడు. ఆటోడ్రైవర్గా పనిచేస్తున్న షాహెద్ కొంతకాలంగా ఆర్థిక ఇబ్బందులతో బాధపడుతున్నాడు. ఇటీవల పిల్లలను తీసుకుని భార్య పుట్టింటికి వెళ్లడంతో మరింతగా మనోవేదనకు గురయ్యాడు. గురువారం తన అన్నదమ్ములకు వాట్సాప్లో గ్రూప్ వీడియో కాల్ చేసిన షాహెద్ లైవ్లోనే ఇంట్లో ఫ్యాన్కు ఉరేసుకున్నాడు. షాహెద్ సోదరులు వెంటనే డయల్ 100కి కాల్ చేసి సమాచారం ఇచ్చారు. పోలీసులు షాహెద్ ఇంటికి చేరుకునేలోగా అతడు చనిపోయి ఉన్నాడు. కేసు ఫైల్ చేసి దర్యాప్తు చేస్తున్నట్లు పోలీసులు తెలిపారు.
మద్యం మత్తులో మరొకరు..
జీడిమెట్ల: మద్యం మత్తులో ఓ వ్యక్తి ఉరేసుకున్న ఘటన పేట్ బషీరాబాద్ పీఎస్ పరిధిలో జరిగింది. కుత్బుల్లాపూర్ భాగ్యలక్ష్మి కాలనీకి చెందిన శ్రీకాంత్(30) ఎలక్ట్రిషీయన్గా పనిచేస్తున్నాడు. రెండ్రోజుల కిందట అతడి భార్య పుట్టింటికి వెళ్లింది. మద్యానికి బానిసైన శ్రీకాంత్ తాగిన మత్తులో గురువారం ఇంట్లో ఫ్యాన్కు ఉరేసుకున్నాడు. పోలీసులు కేసు ఫైల్ చేసి దర్యాప్తు చేస్తున్నారు.
