న్యూఢిల్లీ: లైఫ్ ఇన్సూరెన్స్ ప్రీమియం పెరుగుదల ఇబ్బందేనని కన్జూమర్లు చెబుతున్నారు. దీనివల్ల ఎఫర్డబిలిటీ సమస్య అవుతుందని పేర్కొంటున్నారు. లైఫ్ఇన్సూరెన్స్ పాలసీ కొనుగోలను సాధారణంగా మూడు అంశాలు ప్రభావితం చేస్తున్నాయని ఒక సర్వే రిపోర్టు తెలిపింది. లైఫ్ ఇన్సూరెన్స్ఎంత అవసరం అనేది వీటిలో మొదటిది కాగా, ఆర్థికంగా తట్టుకోగలగడం రెండో అంశమని, కొనుగోలులో ఎదుర్కొనే కష్టాలు మూడో అంశమని ఆ సర్వే రిపోర్టు వివరించింది. హన్స రీసెర్చ్ ఈ సర్వేను నిర్వహించింది. దేశంలోని 3,300 కి పైగా పాలసీ హోల్డర్లు సర్వేలో భాగం పంచుకున్నారు.
పాలసీ హోల్డర్లుగా వారి అనుభవాలకు సంబంధించి కొన్ని ప్రశ్నలను ఈ సర్వేలో వేసినట్లు వివరించింది. ఇన్సూరెన్స్ కంపెనీలు తమతో టచ్లో ఉండవని 22 శాతం మంది పాలసీ హోల్డర్లు ఈ సర్వేలో చెప్పడం గమనించదగ్గది. ఈ కారణంగానే కంపెనీలు మార్చుతున్నట్లు వారు పేర్కొంటున్నారు. పాలసీ కొనుగోలు చేశాక బ్యాంకుల రిలేషన్షిప్ మేనేజర్లు లేదా ఏజంట్ ఆరు నెలలకు ఒకసారయినా తమతో మాట్లాడితే బాగుంటుందనే అభిప్రాయాన్ని పాలసీ హోల్డర్లు వ్యక్తం చేస్తున్నారు.
