న్యూఢిల్లీ: బీజేపీ ముఖ్య నేతలతో ప్రధాని మోదీ భేటీ అయ్యారు. బుధవారం సాయంత్రం జరిగిన ఈ భేటీలో కేంద్ర హోంమంత్రి అమిత్ షా, పార్టీ జాతీయ అధ్యక్షుడు జేపీ నడ్డా, పార్టీ జనరల్ సెక్రటరీ బీఎల్ సంతోష్ పాల్గొన్నారు. కీలక నేతల సమావేశానికి సంబంధించిన వివరాలను పార్టీ బయటకు వెల్లడించలేదు. దీనిపై ఎలాంటి సమాచారం లేనప్పటికీ.. ఈ ఏడాది చివర్లో కీలక రాష్ట్రాల్లో అసెంబ్లీ ఎన్నికలు జరుగనుండడం, వచ్చే ఏడాది జరగనున్న లోక్సభ ఎన్నికలపై నేతలు చర్చిస్తారని ప్రచారం జరుగుతోంది.
ప్రభుత్వంలో, కేబినెట్లో మార్పులు చోటుచేసుకోనున్నాయని, కేబినెట్ విస్తరణపై నా చర్చించనున్నారని పలువురు నేతలు అభిప్రాయపడుతున్నారు. మధ్యప్రదేశ్, రాజస్థాన్ రాష్ట్రాల అసెంబ్లీ ఎన్నికలు సమీపిస్తున్న క్రమంలో ఈ భేటీ ప్రాధాన్యం సంతరించుకుంది.
