14 రూట్లను హైవేలుగా మార్చండి
ప్రపోజల్స్ ను కేంద్రానికి పంపిన ఆర్అండ్ బీ
హైదరాబాద్, వెలుగు : రాష్ర్టంలో ట్రాఫిక్ రద్దీ అధికంగా ఉన్న 14 రోడ్లను నేషనల్ హైవేలుగా గుర్తించాలని కేంద్రాన్ని ఆర్ అండ్ బీ అధికారులు కోరారు. ఇటీవల కేంద్ర రవాణా శాఖ సెక్రటరీకి ఆర్ అండ్ బీ సెక్రటరీ శ్రీనివాసరాజు లేఖ రాశారు. ఈ 14 రోడ్లను ( మొత్తం 1,656.5 కిమీ) నేషనల్ హైవేలుగా గుర్తించటం వల్ల జిల్లాల కేంద్రాలకు ఇంటర్ స్టేట్ కనెక్టివిటీ పెరగటంతో పాటు, పారిశ్రామికంగా, టూరిజంపరంగా ఎంతో అభివృద్ధి జరుగుతుందని అధికారులు లేఖలో పేర్కొన్నారు.
14 రూట్ల వివరాలు
* చౌటుప్పల్, ఆమన్ గల్, షాద్ నగర్, సంగారెడ్డి 182 కిమీ
* కరీంనగర్, సిరిసిల్ల, కామారెడ్డి, ఎల్లారెడ్డి, పిట్లం 165 కిమీ
* వనపర్తి, కొత్తకోట, గద్వాల, మంత్రాలయం 110 కిమీ
* ఎర్రవల్లి, గద్వాల్, రాయచూర్ 67కిమీ
* మన్నెగూడ , వికారాబాద్, తాండూర్, జహీరాబాద్, బీదర్ 133కిమీ
* మరికల్, నారాయణపేట్, రామసముద్ర 63 కిమీ
* జగిత్యాల, జంగాలపల్లి 164 కిమీ
* సారపాక, ఏటూరునాగారం 93కిమీ
* పుల్లూరు నుంచి నల్గొండ 225కిమీ
* దుద్దెడ నుంచి రాయగిరి 163కిమీ
* జగ్గయ్యపేట, కొత్తగూడెం 100 కిమీ
* సిరిసిల్ల, కోరుట్ల 65కిమీ
* భూత్పూర్ నుంచి సిరిగిరిపాడు 165.5కిమీ
* కరీంనగర్, రాయపట్నం 60 కిమీ