సాయంత్రం పూట, ఆకలి వేసినప్పుడు శ్నాక్స్ తినడం మంచిదే. అయితే చాలామంది ఉప్పు, తీపి ఎక్కువ ఉండే ఫుడ్ని శ్నాక్గా తినేందుకు ఇష్టపడతారు. రుచిగా ఉన్నాయని వీటిని తరచూ తింటే శరీరంలో అదనంగా క్యాలరీలు చేరతాయి. ఫలితం.. బరువు పెరుగుతారు. ఫిట్నెస్ కూడా దెబ్బతింటుంది. కాబట్టి వీటి బదులు హెల్దీశ్నాక్స్ తినాలి అంటోంది న్యూట్రిషనిస్ట్ అజ్రా ఖాన్.
తేలికగా ఉండి, తొందరగా అరిగే తామర గింజలు, దొడ్డు అటుకులు (మరమరాలు) శ్నాక్గా బెస్ట్ ఛాయిస్. వీటిని నెయ్యిలో వేగించి తింటే ఆకలి తగ్గుతుంది. ఆరోగ్యం కూడా బాగుంటుంది. శ్నాక్గా అరటిపండు లేదా పిడికెడు నట్స్, ఖర్జూరలు తింటే వెంటనే శక్తి వస్తుంది. ఇవేకాకుండా వేగించిన శనగలు,పాప్కార్న్ కూడా శ్నాక్గా తినొచ్చు. అంతేకాదు క్యాలరీలు తక్కువ ఉండే వీటిని శ్నాక్గా తినడం వల్ల బరువు కూడా పెరగరు.