సమ్మర్ సీజన్ లో కీరదోసకి మస్త్ డిమాండ్. కీరదోసని అట్లనే కట్ చేసుకుని తినడమే కాకుండా.దాంతో జ్యూస్, సూప్ చేసుకోవచ్చు. ఇవి తాగితే ఎండా కాలంలో చాలా ఆరోగ్యంగా ఉంటారు. ఇమ్యూనిటి పవర్ పెరుగుతుంది. ఇప్పుడు వీటిని ఎలా తయారు చేయాలో తెలుసుకుందాం. .
కీరాతో సూప్ తయారీకి కావలసినవి
- కీర దోసకాయ (పెద్దది) - ఒకటి
- సొరకాయ ముక్కలు- ఎనిమిది..
- బటర్ - ఒక టేబుల్ స్పూన్
- పాలు - అర కప్పు
- ఉప్పు, మిరియాల పొడి - రుచికి సరిపడా
- కొత్తిమీర, కీరదోసకాయ (సన్నగా రెండు టేబుల్ స్పూన్లు)
కీరాతో సూప్ తయారీ విధానం
* కీరదోసకాయను శుభ్రంగా కడిగి పెద్ద ముక్కలు తరగాలి. (కొన్ని కీర ముక్కల్ని గార్నిష్ చేసేందుకు తరిగి పక్కన పెట్టాలి.) సొరకాయ పొట్టుతీసి పెద్ద ముక్కలు కోయాలి.
* నాన్ స్టిక్ ప్రెషర్ కుక్కర్లో బటర్ వేడిచేసి తరిగిన కీరదోసకాయ ముక్కలు, సొరకాయ ముక్కలు వేసి రెండు నిమిషాలు వేగించాలి. తరువాత అందులో రెండు కప్పుల నీళ్లు పోసి మూడు విజిల్స్ వచ్చేవరకు స్టవ్ మీద ఉంచాలి.
* చల్లారాక మిక్సీ జార్లో వేసి గ్రైండ్ చేయాలి. ఈ మిశ్రమాన్ని కుక్కర్లో పోసి ఉప్పు, మిరియాల పొడి వేసి కలపాలి పాలు పోసి బాగా కలిపి మరోఐదు నిమిషాలు ఉడికించాలి.
* ఇలా తయారైన సూప్ను బౌల్ లో పోసి కొత్తిమీర, కీరదోసకాయ తరుగుతో అలంకరించి తాగితే యమ్మీగా ఉంటుంది.
ఉసిరి, కీర జ్యూస్ తయారీకి కావలసినవి
- కీరదోసకాయ ముక్కలు - ఒక కప్పు
- ఉసిరి తరుగు - అరకప్పు
- తేనె - మూడు టీస్పూన్లు
- నీళ్లు - ఒక కప్పు
ఉసిరి, కీర జ్యూస్ తయారీ విధానం
* కీర దోసకాయని శుభ్రంగా కడిగి ముక్కలు తరగాలి. ఉసిరిని చిన్న చిన్న ముక్కలు తరగాలి.
*బ్లెండర్లో కీర, ఉసిరి ముక్కలు చేసి సరిపడా నీళ్లు పోసి గ్రైండ్ చేయాలి. తరువాత ఒక గ్లాసులో వడకట్టాలి..
* వడకట్టిన జ్యూస్ లో మూడు టీస్పూన్ల తేనె కలుపుకుని తాగితే టేస్టీగా ఉంటుంది.
* ఇది మంచి డీటాక్సిక్ జ్యూస్ దీన్ని తాగితే బరువు తగ్గుతారు. మలబద్ధకం సమస్య నుంచి బయటపడొచ్చు బాడీ టెంపరేచర్ ను అదుపులో ఉంచుతుంది అంతే కాదు దీన్ని తాగితే చర్మం మెరుస్తుంది కూడా.
–వెలుగు,లైఫ్–
