WPLలో 27 స్థానాల కోసం 146 మంది పోటీ.. టీవీలో, ఫోన్లో లైవ్ ఎక్కడ చూడాలంటే?

WPL 2027 Auction: మహిళల ప్రీమియర్ లీగ్ (WPL 2027) ఐదవ సీజన్‌కు సమయం ఆసన్నమైంది. జనవరి 14 నుంచి ఫిబ్రవరి 7, 2027 వరకు జరగనున్న ఈ పొట్టి ఫార్మాట్ మహా సంగ్రామానికి ముందే.. ఆటగాళ్లను దక్కించుకునేందుకు ఐదు ఫ్రాంచైజీలు సిద్ధమయ్యాయి. కొచ్చిలోని గ్రాండ్ హయత్ వేదికగా ఈరోజు (2026, అక్టోబర్ 28, బుధవారం ) సాయంత్రం డబ్ల్యూపీఎల్ 2027 మినీ ఆక్షన్ (WPL Mini Auction) ఘనంగా ప్రారంభం కానుంది. ఈ వేలంలో మొత్తం 146 మంది ప్లేయర్లు (119 మంది భారతీయులు, 27 మంది విదేశీయులు) తమ అదృష్టాన్ని పరీక్షించుకోనుండగా, ఐదు ఫ్రాంచైజీల దగ్గర కేవలం 27 ఖాళీ స్లాట్లు (20 భారతీయులు, 7 విదేశీయులు) మాత్రమే అందుబాటులో ఉన్నాయి.

వేలంలో హాట్ కేకులుగా మారనున్న స్టార్ ప్లేయర్లు:

* రూ. 50 లక్షల అత్యధిక బేస్ ప్రైస్ బ్రాకెట్‌లో బరిలోకి దిగుతున్న ఇంగ్లాండ్ స్టార్ సోఫీ డన్క్లీ (Sophia Dunkley), ఆస్ట్రేలియా కెప్టెన్ సోఫీ మోలినెక్స్ (Sophie Molineux) ల కోసం ఫ్రాంచైజీలు గట్టిగా పోటీపడే అవకాశం ఉంది.

* భారత స్టార్లలో డిమాండ్: వికెట్ కీపర్ బ్యాటర్ జి. కమలిని, ఆల్‌రౌండర్ స్నేహ్ రాణా, తేజల్ హసబ్నిస్, ఆశా శోభన, కిరణ్ నవ్‌గిరేలకు భారీ ధర దక్కే అవకాశం కనిపిస్తోంది.

* 16 ఏళ్ల వండర్ కిడ్ ఇరా యాదవ్: మేఘాలయపై అండర్-19 వన్డే టోర్నీలో కేవలం 157 బంతుల్లోనే 346 పరుగులు బాదిన 16 ఏళ్ల ముంబై కుర్రాది ఇరా యాదవ్ (Ira Jadhav) అన్‌క్యాప్డ్ విభాగంలో అత్యంత ఖరీదైన ప్లేయర్ గా మారేందుకు సిద్ధంగా ఉంది.

* యువ, సీనియర్ ఆటగాళ్లు: 15 ఏళ్ల కాష్వి, అంశు నాగర్‌లు ఈ వేలంలో అత్యంత పిన్న వయస్కులు కాగా, 36 ఏళ్ల శ్రీలంక కెప్టెన్ చమరి అతపత్తు అత్యంత సీనియర్ ప్లేయర్‌గా నిలిచింది.