డిఫరెంట్ స్ర్కిప్టులతో బ్యాక్ టు బ్యాక్ సినిమాలను ప్రకటిస్తున్నాడు తిరువీర్. రీసెంట్‌‌‌‌గా ‘ప్రీ వెడ్డింగ్ షో’తో సక్సెస్ అందుకుని మంచి జోష్‌‌‌‌లో ఉన్న తను కొన్ని రోజుల క్రితమే ఐశ్వర్య రాజేష్‌‌‌‌కు జంటగా ఓ చిత్రాన్ని స్టార్ట్ చేశాడు. తాజాగా మరో ఎక్సయిటింగ్ ప్రాజెక్ట్‌‌‌‌ను మొదలుపెట్టాడు. ఈ చిత్రానికి మహేందర్ కుడుదుల దర్శకత్వం వహిస్తున్నాడు.
ఆధ్య మూవీ మేకర్స్ బ్యానర్‌‌‌‌‌‌‌‌పై పరుచూరి వెంకటేశ్వరరావు నిర్మిస్తున్నారు. పూజా కార్యక్రమాలతో ప్రారంభమైన ఈ చిత్ర ముహూర్తపు సన్నివేశానికి దర్శకుడు వివేక్ ఆత్రేయ క్లాప్ కొట్టగా, నిర్మాత దామోదర ప్రసాద్ కెమెరా స్విచాన్ చేశారు.
ఫస్ట్ షాట్‌‌‌‌కు దర్శకనిర్మాత తమ్మారెడ్డి భరద్వాజ గౌరవ దర్శకత్వం వహించారు. దర్శకుడు స్వరూప్ మేకర్స్‌‌‌‌కు స్క్రిప్ట్ అందించాడు. ఈ కార్యక్రమంలో చిత్ర యూనిట్ అంతా పాల్గొన్నారు.
పల్లెటూరు నేపథ్యంలో సరదాగా, సందడితో కూడిన ఓ అద్భుతమైన ప్రేమకథగా ఈ చిత్రం తెరకెక్కనుందని దర్శక నిర్మాతలు తెలియజేశారు. ఇతర నటీనటులు, టెక్నిషీయన్స్ వివరాలను త్వరలో ప్రకటిస్తామన్నారు.
