రాజస్తాన్‌‌కు ముంబై సవాల్‌‌

V6 Velugu Posted on Oct 06, 2020

అబుదాబి: పంజాబ్​పై ‘రికార్డు’ విజయం తర్వాత వరుసగా విఫలమవుతున్న రాజస్తాన్​ రాయల్స్​.. ఐపీఎల్​లో మరో పోరుకు సిద్ధమైంది. మంగళవారం జరిగే లీగ్​ మ్యాచ్​లో బలమైన ముంబై ఇండియన్స్​తో అమీతుమీ తేల్చుకోనుంది. స్టార్లు లేకున్నా  డొమెస్టిక్​ కుర్రాళ్లతో రాయల్స్ ​ బలంగా ఉంది.  కానీ ఇప్పుడు వాళ్లే బలహీనతగా మారడంతో లైనప్​లో మార్పులు చేయాలని కెప్టెన్​ స్మిత్​ భావిస్తున్నాడు. అదే జరిగితే యశస్వి  జైస్వాల్​కు చాన్స్​ దక్కొచ్చు. టాప్​లో శాంసన్​పై భారం వేసి మిడిలార్డర్​ను బలోపేతం చేసేందుకు స్మిత్​ లైనప్​లో కిందకు రావాలని భావిస్తున్నాడు. ​ బట్లర్​ వైఫల్యం కూడా టీమ్​కు ప్రతికూలంగా మారింది. బౌలింగ్​లో ఉనాద్కట్​ను వద్దనుకుంటే ​ వరుణ్​ ఆరోన్​ లేదా  కార్తీక్​ త్యాగిని పరీక్షించి చూడొచ్చు.  మరోవైపు బెంగళూరుతో మ్యాచ్​లో సూపర్​ ఓవర్​లో నిరాశపర్చినా.. లాస్ట్​ రెండు మ్యాచ్​ల్లో ముంబై బాగా పుంజుకుంది. ముంబై బ్యాటింగ్​లో ఎలాంటి సమస్యల్లేవు. కెప్టెన్​ రోహిత్​ టచ్​లో ఉండగా, డికాక్​ గాడిలో పడ్డాడు. ఇషాన్​ కిషన్​ అంచనాలను మించిపోతున్నాడు.   పొలార్డ్, హార్దిక్​ స్లాగ్​ ఓవర్లలో చెలరేగుతున్నారు. లాస్ట్​ మ్యాచ్​లో క్రునాల్​ కూడా సత్తా చాటాడు. బౌలింగ్​లో బుమ్రా, బౌల్ట్​కు తోడు ప్యాటిన్సన్​ కూడా చెలరేగిపోతున్నాడు. ఏకైక స్పిన్నర్‌‌‌‌గా క్రునాల్​ ఫర్వాలేదనిపిస్తున్నాడు.

 

Tagged indian, ipl, match, rajastan, mumba

Latest Videos

Subscribe Now

More News