వేసవిలో మాత్రమే దొరికే తాటిముంజల జ్యూస్ భలే టేస్టీగా ఉంటుంది. అతి తక్కువ ఇంగ్రెడియెంట్స్తో చేసే ఈ జ్యూస్ వేసవి వేడితో పాటు డైజెషన్ సమస్యల్ని కూడా తగ్గిస్తుంది. నీటిశాతం ఎక్కువగా ఉండే తాటిముంజల్లో ఫైబర్, ప్రొటీన్తో పాటు విటమిన్– ఎ, సి, ఇ , కె కూడా ఉంటాయి. ఇన్ని లాభాలున్న ఈ జ్యూస్ని ఇంట్లోనే చేసుకుంటే రుచికి రుచి.. ఆరోగ్యానికి ఆరోగ్యం.
కావాల్సినవి
తాటిముంజలు– నాలుగు
పాలు– ఒక లీటరు
చక్కెర– పావు కప్పు
నిమ్మరసం– ఒక టీ స్పూన్
పుదీనా– కొద్దిగా, ఐస్క్యూబ్స్– తగినన్ని
అల్లం రసం– ఒక టీ స్పూన్
తయారీ
తాటి ముంజల పొట్టు తీసి మిక్సీ జార్లో వేయాలి. అందులో చక్కెర, పుదీనా, కొన్ని పాలు, ఐస్ క్యూబ్స్ వేసి మిక్సీ పట్టాలి. జ్యూస్లా అయ్యాక మిగిలిన పాలు పోసి మరోసారి మిక్సీ పట్టి, సర్వింగ్ బౌల్లోకి తీసుకోవాలి. చివరిగా నిమ్మ, అల్లం రసం కలుపుకుని పుదీనాతో గార్నిష్ చేసుకొని తాగితే టేస్టీగా ఉంటుంది.