భద్రాచలం, వెలుగు : ఐటీడీఏ ద్వారా కల్పిస్తున్న ట్రైనింగ్స్ ను ఉపయోగించుకుని గిరిజన మహిళలు ఉపాధి అవకాశాలను అందిపుచ్చుకోవాలని పీవో బి.రాహుల్ సూచించారు. ఆయన బుధవారం ఐటీడీఏ ప్రాంగణంలోని వైటీసీలో కుట్టు శిక్షణా కేంద్రాన్ని సందర్శించి గిరిజన మహిళలతో మాట్లాడారు. కుట్టు పూర్తిస్థాయిలో నేర్చుకున్నాక గ్రామాల్లో సొంత షాపులు పెట్టుకోవాలని సూచించారు.
గిరిజన మహిళలు తయారు చేసే మిల్లెట్ బిస్కెట్లను పరిశీలించారు. టెంపుల్, ట్రైబల్ మ్యూజియం వద్ద స్టాళ్లలో విక్రయాలు పెంచాలని సూచించారు. త్వరలో ప్రభుత్వ ఉద్యోగాలకు సిద్ధపడే యువతకు కోచింగ్ ఐటీడీఏలో ఇప్పిస్తామని చెప్పారు.
