హైదరాబాద్, వెలుగు: రాష్ట్రంలో బుధవారం నుంచి ఎంసెట్ పరీక్షలు ప్రారంభం కానున్నాయి. నేడు, రేపు అగ్రికల్చర్ అండ్ మెడికల్ స్ర్టీమ్కు ఎగ్జామ్స్ జరగనున్నాయి. ఈ పరీక్షలకు 1,51,361 మంది అంటెండ్ కానుండగా.. 137 పరీక్షా కేంద్రాలను ఏర్పాటు చేశారు. ప్రతిరోజూ ఉదయం 9గంటల నుంచి మధ్యాహ్నం 12గంటల వరకూ, మధ్యాహ్నం 3 గంటల నుంచి సాయంత్రం 6గంటల వరకు రెండు సెషన్లలో పరీక్షలు జరగుతాయి.
ఈసారి కూడా ఒక్క నిమిషం నిబంధన అమలు చేస్తున్నారు. దీంతో నిర్ణీత టైమ్ కంటే కనీసం గంట ముందు పరీక్షా కేంద్రానికి చేరుకోవాలని ఎంసెట్ కో కన్వీనర్ విజయకుమార్ రెడ్డి కోరారు. ఎలాంటి ఎలక్ర్టానిక్ వస్తువులు వెంట తెచ్చుకోవద్దని సూచించారు. ఆధార్ బెస్డ్ బయోమెట్రిక్ అటెండెన్స్ ఉంటుందన్నారు. కాగా, ఈ నెల 12,13,14 తేదీల్లో ఇంజినీరింగ్ స్ర్టీమ్ స్టూడెంట్లకు పరీక్ష జరగనున్నది. 2,05,405 మంది అంటెండ్ కానున్నారు.
