కీవ్: రష్యా ట్యాంకర్పై ఉక్రెయిన్ డ్రోన్లతో దాడి చేసింది. క్రిమియా సమీపంలోని నల్ల సముద్రంలో శుక్రవారం తెల్లవారుజామున ఈ సంఘటన జరిగిందని రష్యా అధికారులు తెలిపారు. ఉక్రెయిన్ దాడికి సంబంధించిన వీడియో సోషల్మీడియాలో వైరల్గా మారింది. శుక్రవారం ఒక్కరోజే ఉక్రెయిన్ రెండుసార్లు దాడులు చేసింది. బ్లాక్సీలో నావికా సామర్థ్యాన్ని పెంచుకున్న కీవ్ ముందుగా రష్యా పోర్టుపై డ్రోన్లతో దాడికి పాల్పడింది.
సుమారు మూడు వారాల క్రితం ఉక్రెయిన్ పోర్టులపై రష్యా దాడి చేసింది. ప్రతిగా ఉక్రెయిన్ నల్ల సముద్రంలోని రష్యా బలగాలను లక్ష్యంగా చేసుకుని దాడులు చేసింది. ఉక్రెయిన్ డ్రోన్ల దాడితో తమ ట్యాంకర్ఇంజిన్రూమ్సమీపంలో రంధ్రం పడిందని రష్యా ఫెడరల్ ఏజెన్సీ వెల్లడించింది. ట్యాంకర్ లో 11మంది సిబ్బంది ఉన్నారని అయితే డ్రోన్ల దాడిలో ఎటువంటి ప్రాణనష్టం జరగలేదని క్రెమ్లిన్ వెల్లడించింది.
