నేషనల్ క్రష్ రష్మిక మందన్నా(Rashmika mandanna) డీప్ ఫేక్ వీడియో ఒకటి సోషల్ మీడియాలో వైరల్ అవుతున్న విషయం తెలిసిందే. ఈ విషయంపై నెటిజన్స్ తో పాటు, స్టార్స్ కూడా మండిపడుతున్నారు. ఇప్పటికే ఈ విషయంపై బిగ్ బీ అమితాబ్ బచ్చన్ స్పందించారు. ఈ వీడియో మార్పింగ్ చేసిన వారిపై లీగల్ యాక్షన్ తీసుకోవాలని ఆయన డిమాండ్ చేశారు.
తాజాగా ఇదే విషయంపై కేంద్ర మంత్రి రాజీవ్ చంద్రశేఖర్ తీవ్రంగా స్పందించారు. ఇండియాలో ఐటీ నిబంధనలు ఉల్లంగించే ఏ కంటెంట్ అయినా తీసేయాలని సోషల్ మీడియా ప్లాట్ ఫార్మ్స్ కు గుర్తుచేశారు. లేదంటే వారిపై చట్ట పరమైన చర్యలు తీసుకోవాల్సి వస్తుందని హెచ్చరించారు.
PM @narendramodi ji's Govt is committed to ensuring Safety and Trust of all DigitalNagriks using Internet
— Rajeev Chandrasekhar ?? (@Rajeev_GoI) November 6, 2023
Under the IT rules notified in April, 2023 - it is a legal obligation for platforms to
➡️ensure no misinformation is posted by any user AND
➡️ensure that when reported by… https://t.co/IlLlKEOjtd
2023 ఏప్రిల్ లో తెలియజేయబడిన IT నిబంధనల ప్రకారం.. ఇంటర్నెట్‌ ఉపయోగిస్తున్న వారందరికీ భద్రత, నమ్మకాన్ని కల్పించడానికి మోడీ ప్రభుత్వం కట్టుబడి ఉంది. అందులో భాగంగానే.. ఏ యూజర్ ద్వారా అయినా తప్పుడు సమాచారం పోస్ట్ చేయబడిందని తెలిస్తే వారికి చట్టపరమైన చర్యలు తప్పవు. ఆ తప్పుడు సమాచారం 36 గంటల్లో తీసివేయబడుతుంది. వారికి రూల్ 7 వర్తిస్తుంది. IPC నిబంధనల ప్రకారం తప్పుడు సమాచారం పోస్ట్ చేసిన ప్లాట్‌ఫారమ్‌లను కోర్టుకు తీసుకెళ్లడం జరుగుతుంది.. అని చెప్పుకొచ్చారు.
