ఉప్పల్, వెలుగు: చిల్కానగర్లోని హరిహర క్షేత్రం చిలుకేశ్వర ఆంజనేయ స్వామి ఆలయంలో జూన్ నెలలో నిర్వహించనున్న కోటిలింగాల స్థాపన మహోత్సవం కరపత్రాన్ని ఉప్పల్ ఎమ్మెల్యే బండారి లక్ష్మారెడ్డి ఆదివారం ఆవిష్కరించారు.
ఆలయ అభివృద్దికి తన వంతు పూర్తి సహకారం అందిస్తానని, ఆలయ పునర్నిర్మాణానికి భక్తులందరూ కలిసికట్టుగా సహకరించాలని పిలుపునిచ్చారు. కార్యక్రమంలో బన్నాల ప్రవీణ్, ఆలయ కమిటీ ప్రతినిధులు దాసరి కృష్ణ, గోనె శ్రీకాంత్, రమేష్ గౌడ్, పెద్ద సంఖ్యలో భక్తులు పాల్గొన్నారు.
