బైడెన్ ప్రెసిడెంట్ అయిన తర్వాత తొలిసారి సిరియాపై అమెరికా వైమానిక దాడి

బైడెన్ ప్రెసిడెంట్ అయిన తర్వాత తొలిసారి సిరియాపై అమెరికా వైమానిక దాడి
  • ఉన్నట్టుండి.. సిరియాపై అమెరికా దాడి
  • షియా మిలిటెంట్లే టార్గెట్​గా ఎటాక్
  • ఒకరు చనిపోయారన్న ఇరాక్​
  • బైడెన్ ప్రెసిడెంట్ అయిన తర్వాత తొలిసారి దాడులు

బాగ్దాద్: ప్రెసిడెంట్​గా జో బైడెన్ బాధ్యతలు చేపట్టిన తర్వాత అమెరికా తొలిసారి సిరియాలో వైమానిక దాడులు జరిపింది. ఇరాన్ మద్దతిస్తున్న ఇరాకీ మిలిటెంట్ల గ్రూప్ హిజ్బుల్లా బ్రిగేడ్స్ స్థావరాలే లక్ష్యంగా జరిపిన దాడిలో ఒక మిలిటెంట్​ చనిపోయాడని, చాలామంది గాయపడ్డారని ఇరాకీ మిలీషియా అధికారులు శుక్రవారం వెల్లడించారు. నార్తర్న్ ఇరాక్ లో ఈ నెల 15న  తమ బేస్​పై మిలిటెంట్లు జరిపిన రాకెట్ దాడికి ప్రతీకారంగా ఈ దాడులు చేసినట్టు పెంటగాన్ ప్రకటించింది.  ఇరాక్, సిరియా బార్డర్ లోని బౌకమల్​లో వెపన్స్​తో మిలిటెంట్ల బేస్​కు వెళ్తున్న ట్రక్కులపై అమెరికా దాడులు చేసినట్టు సిరియా వార్ మానిటరింగ్ గ్రూప్స్ కూడా వెల్లడించాయి. ఈ దాడిలో 22 మంది మిలిటెంట్లు చనిపోయినట్టు ప్రకటించాయి. షియా మిలిటెంట్ల బేస్​పై తాము దాడులు చేసినట్టు అమెరికా డిఫెన్స్ సెక్రటరీ లాయ్డ్ ఆస్టిన్ గురువారం మీడియాకు వెల్లడించారు. ప్రెసిడెంట్ బైడెన్ ఆదేశాల మేరకు ఈ దాడులు చేసినట్టు తెలిపారు. సమయం వచ్చినప్పుడు బదులిస్తామని మిలిటెంట్లను చాలాసార్లు హెచ్చరించామని లాయ్డ్​ ఆస్టిన్​ గుర్తు చేశారు.