ఐపీఎల్ 19లో భాగంగా బుధవారం (మే 27) మరో రసవత్తర పోరు జరగనుంది. ఎలిమినేటర్ మ్యాచులో భాగంగా సన్ రైజర్స్ హైదరాబాద్, రాజస్థాన్ రాయల్స్ జట్లు తలపడనున్నాయి. ఈ మ్యాచులో ఓడిన జట్టు ఇంటి బాట పట్టాల్సిందే. దీంతో ఇరు జట్లు ఎలాగైనా గెలవాల్సిందేనని బరిలోకి దిగుతున్నాయి. ఈ నేపథ్యంలో సన్ రైజర్స్ హైదరాబాద్ ఆర్ఆర్ స్టార్ బ్యాటర్, వండర్ కిడ్ వైభవ్ సూర్య వంశీపై స్పెషల్ ఫోకస్ పెట్టింది. ఈ సీజన్లో పునకాలు వచ్చినట్లు చెలరేగిపోతున్న వైభవ్ను ఎలాగైనా అడ్డుకోవాలని హైదరాబాద్ వ్యూహాలు పన్నుతుంది.
ఈ 15 ఏళ్ల బుడ్డోడిని భారీ స్కోర్ చేయకుండా కట్టడి చేసేందుకు ప్రత్యేక ప్రణాళికలు రచిస్తోంది. వైభవ్ను అడ్డుకుంటే ఆర్ఆర్ భారీ స్కోర్ చేయకుండా కట్టడి చేయవచ్చనేది హైదరాబాద్ ప్లాన్. సన్ రైజర్స్ కెప్టెన్ ప్యాట్ కమిన్స్ కూడా ఇదే అభిప్రాయం వ్యక్తం చేశారు. ఆర్ఆర్తో జరగనున్న ఎలిమినేటర్ మ్యాచ్ గేమ్ ప్లాన్స్ గురించి కమిన్స్ క్లారిటీ ఇచ్చారు.
వైభవ్ సూర్యవంశీ కోసం మూడు స్పెషల్ ప్లాన్లు సిద్ధం చేసినట్లు తెలిపారు. ఒక బౌలర్గా బ్యాటర్ మైండ్ సెట్ను అర్థం చేసుకుని.. వాళ్ల స్ట్రెంత్ను అర్థం చేసుకుని ఎలా అడ్డుకోవాలో అదే చేస్తామని చెప్పాడు కమిన్స్. ప్రతీ టీమ్కు ఒకరు లేదా ఇద్దరు మ్యాచ్ విన్నింగ్ ప్లేయర్స్ ఉంటారని.. వాళ్లను అడ్డుకోవడమే స్ట్రాటజీ అన్నారు. వైభవ్ కోసం మూడు ప్లాన్ ఉన్నాయని చెప్పిన కమిన్స్.. ప్లాన్ A కాకుంటే.. ప్లాన్ B లేదా ప్లాన్ C ఇంప్లిమెంట్ చేస్తామని చెప్పాడు.
లీగ్ దశలో రాజస్థాన్ను ఇప్పటికే రెండు సార్లు ఓడించిన హైదరాబాద్.. ఎలిమినేటర్ మ్యాచ్లోనూ ఇదే రిజల్ట్ పునరావృతం చేయాలని భావిస్తోంది. లీగ్ చివరి మ్యాచులో టేబుల్ టాపర్ ఆర్సీబీని భారీ తేడాతో చిత్తు చేసిన జోష్తో హైదరాబాద్ బరిలోకి దిగుతోంది. మరోవైపు ఆర్ఆర్ కూడా బలంగానే ఉంది. లీగ్లో తమ చివరి మ్యాచులో పటిష్టమైన ముంబైని చిత్తు చేసి పూర్తి ఆత్మవిశ్వాసంతో బరిలోకి దిగుతుంది ఆర్ఆర్. దీంతో ఈ హై ఓల్టేజ్ పోరుపై భారీ హైప్ నెలకొంది. టోర్నీ నుంచి ఎవరో ఎలిమినేట్ అవుతారు..? ఎవరు ముందడుగు వేస్తారనేది.. వేచి చూడాలీ మరీ..
