రిషబ్ శర్మ అనే ఓ 27 ఏళ్ల కూరగాయల వ్యాపారి నకిలీ వర్క్ ఫ్రమ్ హోమ్ జాబ్స్‌తో పలువురిని మోసం చేసి రూ. 21 కోట్లు సంపాదించడంతో పోలీసులు అతన్ని అరెస్టు చేశారు. పోలీసులు తెలిపిన వివరాల ప్రకారం, అతను భారతదేశంలోని 10 రాష్ట్రాల్లో నమోదైన 37 చీటింగ్ కేసుల్లో ప్రత్యక్షంగా ఇన్వాల్వ్ అయి ఉన్నాడు. ఇది మాత్రమే కాకుండా 855 ఇతర కేసులలో కూడా సంబంధం కలిగి ఉన్నాడు. "కొన్ని సంవత్సరాల క్రితం, అతను ఫరీదాబాద్‌లో కూరగాయలు, పండ్లు అమ్మేవాడు. ఇతర వ్యాపారవేత్తల మాదిరిగానే, అతను మహమ్మారి సమయంలో భారీ నష్టాలను చవిచూశాడు. దీంతో తన దుకాణాన్ని మూసివేయవలసి వచ్చింది. ఆ తర్వాత కొన్ని నెలల పాటు, అతను తన కుటుంబాన్ని పోషించడానికి పలు వర్క్ ఫ్రమ్ హోం(WFH) ఆఫర్‌లను ఇచ్చాడు" అని ఉత్తరాఖండ్ పోలీసు అధికారి అంకుష్ మిశ్రా తెలిపారు.
“అతను అప్పటికే ఆన్‌లైన్ మోసాలు చేసే ఓ పాత స్నేహితుడిని కలిశాడు. అలా అతను మోసాలు చేయడం ప్రారంభించిన ఆరు నెలల్లోనే రూ. 21 కోట్లు రాబట్టాడు. తాజాగా బాధితుడు డెహ్రాడూన్‌కు చెందిన వ్యాపారి నుంచి రూ. 20 లక్షలు దోచేశాడు అని మిశ్రా చెప్పారు. అక్టోబర్ 28న నిందితుడిని పోలీసులు అరెస్టు చేశారు. ఈ మోసంలో భాగంగా, రిషబ్ మారియట్ బోన్వాయ్-marriotwork.com నకిలీ వెబ్‌సైట్‌ను సృష్టించాడు. ఇది హోటల్ అసలు వెబ్‌సైట్, marriot.comను పోలి ఉంది. ఆ తర్వాత, వ్యాపారవేత్తకి ఆగస్టు 4న వాట్సాప్ సందేశం వచ్చింది. ఇందులో పార్ట్‌టైమ్ ఉద్యోగంగా మారియట్ బోన్వాయ్ హోటల్‌ల గ్రూప్ కోసం సమీక్షలు రాయమని ఉంది.
Also Read :- టెక్నికల్ ఎక్స్పర్ట్స్ జాబ్స్
“ఆఫర్ నిజమైనదిగా అనిపించడంతో, నేను మెసేజ్ లో అందించిన నంబర్‌కు కాల్ చేశాను. ఒక వ్యక్తి తనను తాను మారియట్ బోన్వాయ్ ప్రతినిధిగా రిషబ్ శర్మగా పేర్కొన్నాడు. అతను నన్ను తన సహోద్యోగి సోనియాకు పరిచయం చేశాడు. అతను గ్రూపులోని ఒక హోటల్‌లో సహచరుడు అని అతను చెప్పాడని వ్యాపారవేత్త ఫిర్యాదులో తెలిపాడు. మొదట్లో ఆ వ్యక్తికి రూ.10వేల పేమెంట్ వచ్చింది. ఆ తర్వాత అతని ఐసీఐసీఐ బ్యాంకు ఖాతాలో రెండోసారి అదే మొత్తం జమ అయింది. అయితే, వెంటనే, పెట్టుబడి విపరీతంగా పెరగడం ప్రారంభమైంది.
“నేను రాబడిని అడిగే ప్రతిసారీ, లాభాలు కోటికి చేరుకోవచ్చని చెబుతూ మరింత పెట్టుబడి పెట్టమని నన్ను ఒప్పించేవారు. కొద్దిసేపటి తర్వాత, వారు నా కాల్స్, మెసేజ్‌లకు స్పందించడం మానేసి, నంబర్‌లను స్విచ్ ఆఫ్ చేశారు. అప్పటికి నేను రూ.20 లక్షలు పెట్టుబడి పెట్టాను’’ అని వ్యాపారవేత్త చెప్పాడు. స్కామర్లు యాదృచ్ఛికంగా ఇతరులతో మాట్లాడి వారికి మెసేజ్‌లు పంపి, ఎక్కువ డబ్బు పెట్టుబడి పెట్టాలని ఆకర్షిస్తారని పోలీసులు ఈ సందర్భంగా తెలిపారు.
