ఆర్మూర్, వెలుగు: కాంగ్రెస్ పార్టీ అధికారంలోకి రాగానే వంద రోజుల్లో ఆరు గ్యారంటీలను అమలు చేస్తామని ఆర్మూర్ నియోజకవర్గ కాంగ్రెస్ అభ్యర్థి పొద్దుటూరి వినయ్ రెడ్డి పేర్కొన్నారు. ఆర్మూర్ మండలంలోని పిప్రి, మంథని, ఆమ్దాపూర్, మగ్గిడి, ఖానాపూర్ గ్రామాల్లో శనివారం ఆయన ఎన్నికల ప్రచారం నిర్వహించారు. వినయ్ రెడ్డి మాట్లాడుతూ.. కాంగ్రెస్ హయాంలోనే ముంపు గ్రామాలు అభివృద్ధి చెందాయన్నారు.
పదేండ్ల బీఆర్ఎస్పాలనలో కనీసం రోడ్లు కూడా వేయలేదని ఎద్దేవా చేశారు. ఖానాపూర్ కు కవితపూర్ అని పేరు పెట్టుకొని కనీసం ఒక్క డబుల్ బెడ్ రూమ్ ఇల్లు కూడా ఇవ్వలేదని విమర్శించారు. ఈ సందర్భంగా బీజేపీ, బీఆర్ఎస్కు చెందిన నాయకులు వినయ్రెడ్డి సమక్షంలో కాంగ్రెస్ లో చేరారు. లీడర్లు మార చంద్రమోహన్, యాల్ల సాయిరెడ్డి, కోలా వెంకటేశ్, విట్టం జీవన్, చిన్నారెడ్డి, పుట్టింటి శ్రీనివాస్ రెడ్డి, జీవన్ రెడ్డి, గంగారెడ్డి, పోషన్న, మల్లయ్య, ముక్కెర విజయ్, మల్లారెడ్డి పాల్గొన్నారు.
