హైదరాబాద్, వెలుగు: మిస్ వరల్డ్ కంటెస్టెంట్లను అన్ని పర్యాటక ప్రాంతాలకు తిప్పుతున్న రాష్ట్ర ప్రభుత్వం.. 125 అడుగుల అంబేద్కర్ విగ్రహం వద్దకు మాత్రం ఎందుకు తీసుకెళ్లడం లేదని బీఆర్ఎస్ మాజీ ఎంపీ వినోద్కుమార్ ప్రశ్నించారు. ప్రపంచంలోనే ఎంతో గొప్పగా నిర్మించుకున్న విగ్రహం వద్దకు తీసుకెళ్లకుండా సీఎం రేవంత్ రెడ్డి ఎందుకు విస్మరిస్తున్నారన్నారు.
మంగళవారం ఆయన తెలంగాణ భవన్లో మీడియాతో మాట్లాడారు. అంబేద్కర్ జీవిత చరిత్రను మిస్వరల్డ్ కంటెస్టెంట్లకు వివరించాలని డిమాండ్ చేశారు. రేవంత్ రెడ్డి చేసిన తప్పిదాన్ని సరిచేసుకోవాలన్నారు.
