ఆన్ లైన్ లో క్రికెట్ బెట్టింగ్ కు పాల్పడుతున్న ముగ్గురిని వరంగల్ టాస్క్ ఫోర్స్ పోలీసులు అరెస్ట్ చేశారు. వారి నుంచి రూ.20 లక్షల 80వేల 700 నగదు, కారు, 4 సెల్ ఫోన్లు స్వాధీనం చేసుకున్నారు. నిందితుల్లో ఇద్దరు బుకీలు ఉన్నారు. వీరు గూగుల్ ప్లే స్టోర్ లోని క్రికెట్ బెట్టింగ్ యాప్ ద్వారా యువతను వలలో వేసుకుంటున్నారని పోలీసులు చెప్పారు. బెట్టింగ్ నిర్వహిస్తున్నందుకు బుకీలకు బెట్టింగ్ యాప్ ద్వారా 5 నుంచి 25 శాతం వరకు కమీషన్ వచ్చేదని తెలిపారు. ఈజీ మనీ కోసం క్రికెట్ బెట్టింగ్ లకు పాల్పడుతూ జీవితాలను నాశనం చేసుకోవద్దని యువతకు సూచించారు పోలీసులు.
