మెదక్ (టేక్మాల్), వెలుగు: నాలుగు రోజుల్లో పెండ్లి ఉందనగా పెండ్లికొడుకు ఇంట్లో నుంచి పారిపోయాడు. మెదక్ జిల్లా మండల కేంద్రమైన టేక్మాల్ కు చెందిన కుమ్మరి రఘుపతికి సంగారెడ్డి జిల్లా న్యాల్కల్ కు చెందిన ఓ యువతితో పెండ్లి ఖాయమైంది. ఎంగేజ్ మెంట్ కూడా అయ్యింది. ఈనెల 21న ముహూర్తం పెట్టుకున్నారు. అమ్మాయి తరపు వారు చుట్టాలకు పెండ్లి పత్రికలు పంచుతూ పెండ్లి ఏర్పాట్లు చేస్తున్నారు. ఈ క్రమంలో ఈ నెల 14 వ తేదీ నుంచి తన కొడుకు కనబడడం లేదని, బంధువుల ఇండ్లలో వెతికినా ఆచూకీ దొరకలేదని పెండ్లి కొడుకు తండ్రి టేక్మాల్ పోలీస్ స్టేషన్ లో కంప్లైంట్ చేశాడు. పోలీసులు మిస్సింగ్ కేసు నమోదు చేసి దర్యాప్తు చేస్తున్నారు. కాగా పెండ్లి కూతురు నచ్చలేదని రఘుపతి ఇంట్లో నుంచి వెళ్లిపోయినట్టు తెలిసింది.
