- నామినేషన్ వెనక్కి తీసుకుంటే పార్టీలో, ప్రభుత్వంలో ప్రాధాన్యం ఇస్తాం:మహేశ్ గౌడ్
హైదరాబాద్, వెలుగు: రెబల్స్ నామినేషన్విత్డ్రా చేసుకునేలా చూడాలని పీసీసీ చీఫ్ మహేశ్ గౌడ్ అన్నారు. నామినేషన్ఉపసంహరించుకున్న వారికి భవిష్యత్తులో పార్టీలో, ప్రభుత్వంలో ప్రాధాన్యం ఇస్తామన్నారు. శనివారం గాంధీ భవన్లో జహీరాబాద్ పార్లమెంట్ నియోజకవర్గ స్థాయి మున్సిపల్ ఎన్నికల సన్నాహక సమావేశం నిర్వహించారు.
నియోజకవర్గ ఇన్చార్జి, మంత్రి అజారుద్దీన్ తోపాటు మంత్రి దామోదర రాజనర్సింహ, ఎంపీ సురేశ్ షెట్కార్, టీజీఐఐసీ చైర్మన్ నిర్మలా జగ్గారెడ్డి, పలువురు ఎమ్మెల్యేలు, డీసీసీ ప్రెసిడెంట్లు హాజరయ్యారు. ఈ సందర్భంగా నియోజకవర్గ పరిధిలోని మున్సిపాలిటీలను గెలుచుకునేందుకు ఎలాంటి వ్యూహాలను అమలు చేయాలనే అంశంపై చర్చించారు.
రెబల్స్ను ఎన్నికల బరి నుంచి తప్పించడంపై ప్రత్యేక దృష్టి పెట్టాలని, బీ ఫామ్ పొందినవారు తప్ప మిగతా వారు నామినేషన్ఉపసంహరించుకునేందుకు చర్యలు తీసుకోవాలని పీసీసీ చీఫ్సూచించారు. పాత, కొత్త నాయకులను సమన్వయం చేసుకుంటూ ముందుకెళ్లాలని, రెండేండ్ల పాలనలో ప్రభుత్వం చేపట్టిన కార్యక్రమాలను ప్రజల్లోకి విస్తృతంగా తీసుకెళ్లాలని చెప్పారు.
