- యూఎన్ ‘హ్యాపీనెస్ రిపోర్ట్’లో ఐదోసారీ ఫస్ట్ ప్లేస్
- మన దేశానికి 136వ ర్యాంకు
న్యూయార్క్: ఆనందం విషయంలో ఫిన్లాండ్ ‘తగ్గేదేలే’ అంటోంది. సంతోషానికి తమ గడ్డనే అడ్డా అంటోంది. ఆనందానికి తానే రారాజునని ఐదోసారీ నిరూపించింది. శుక్రవారం ఐక్యరాజ్యసమితి సస్టెయినబుల్ డెవలప్మెంట్ సొల్యూషన్స్ నెట్వర్క్ విడుదల చేసిన 146 దేశాల ‘హ్యాపీనెస్ రిపోర్ట్’లో ఫస్ట్ ప్లేస్ను తనవద్దే పదిలపరచుకుంది. ఈ జాబితాలో మన దేశం 136వ ర్యాంకుతో సరిపెట్టుకుంది. అంతకుముందు నివేదికలో 144వ స్థానంలో (156దేశాలతో జాబితా) ఉన్న మన దేశం ఇప్పుడు.. 8 స్థానాలు పైకి ఎగబాకింది.
విషాద దేశం.. అఫ్గానిస్తాన్
నాటో దేశాలు ఖాళీ చేసి వెళ్లిపోవడంతో తాలిబన్ల రాజ్యం వచ్చిన అఫ్గానిస్తాన్.. చివరి స్థానంలో నిలిచింది. తద్వారా విషాద దేశంగా అట్టడుగుకు పరిమితమైంది. ప్రస్తుతం యుద్ధంతో అల్లాడిపోతున్న ఉక్రెయిన్98వ ర్యాంకులో ఉండగా.. ఆ దేశంపై దండెత్తిన రష్యా 80వ స్థానంలో ఉంది. అయితే, ఉక్రెయిన్పై రష్యా యుద్ధం మొదలుపెట్టడానికి ముందే ఈ లిస్టును యూఎన్ సిద్ధం చేసింది. తాజాగా విడుదల చేసింది. జీవన ప్రమాణాలు, జీడీపీ, ఆయుష్షు తదితర విషయాల ఆధారంగా యూఎన్ ఈ రిపోర్టును తయారు చేసింది. ఇంతకుముందు టాప్ 10లో ఆస్ట్రియా.. ఇప్పుడు ఒక ర్యాంకు దిగజారింది. అగ్రరాజ్యంగా అన్ని దేశాలను శాసిస్తున్న అమెరికా 16వ స్థానంలో నిలిచింది. లెబనాన్, జింబాబ్వే, రవాండ, బోట్స్వానాలు అడుగున నిలిచాయి.
ఇవీ టాప్ 20 ఆనంద దేశాలు
ఫిన్లాండ్, డెన్మార్క్, ఐస్లాండ్, స్విట్జర్లాండ్, ద నెదర్లాండ్స్, లగ్జెంబర్గ్, స్వీడన్, నార్వే, ఇజ్రాయెల్, న్యూజిలాండ్, ఆస్ట్రియా, ఆస్ట్రేలియా, ఐర్లాండ్, జర్మనీ, కెనడా, అమెరికా, బ్రిటన్, చెక్ రిపబ్లిక్, బెల్జియం, ఫ్రాన్స్.
