- డబ్ల్యూటీసీ ఫైనల్ ప్లేయింగ్కండిషన్స్ రిలీజ్ చేసిన ఐసీసీ
దుబాయ్: వరల్డ్టెస్ట్చాంపియన్షిప్(డబ్ల్యూటీసీ) మెగా ఫైనల్ విషయంలో ఉన్న అనుమానాలకు ఐసీసీ తెరదించింది. సౌతాంప్టన్ వేదికగా ఇండియా, న్యూజిలాండ్ మధ్య జూన్18–22 తేదీల్లో జరగనున్న డబ్ల్యూటీసీ మెగా ఫైనల్ ప్లేయింగ్ కండిషన్స్ను శుక్రవారం రిలీజ్ చేసింది. మ్యాచ్ డ్రా లేదా టై గా ముగిస్తే విజేత ఎవరు అనే ప్రశ్నకు బదులిచ్చింది. ఇరు జట్లను జాయింట్‌ విన్నర్స్‌‌గా ప్రకటిస్తామని పేర్కొంది. అంతేకాక రిజర్వ్ డే అమలు అంశంపై కూడా ఐసీసీ క్లారిటీ ఇచ్చింది. జూన్23వ తేదీని రిజర్వ్ డేగా షెడ్యూల్లో పేర్కొంది. అయితే, అవసరమైతేనే ఆరో రోజు ఆట ఆడిస్తామని స్పష్టంగా చెప్పింది. అయితే, 30 గంటల ఆటను ఐదు రోజుల్లో పూర్తి చేయలేని పక్షంలోనే రిజర్వ్ డే ఉంటుందని ఐసీసీ వెల్లడించింది. రిజర్వ్ డేలో ఆట ఉంటుందా లేదా అనే అంశంపై మ్యాచ్ రిఫరీ తుది నిర్ణయం తీసుకుంటారని ఇంటర్నేషనల్ బాడీ వెల్లడించింది. ‘ ఐదు రోజుల ఆటను పూర్తి చేయడానికే రిజర్వ్ డే ను షెడ్యూల్ చేశాం. ఆడాల్సిన గంటలను కోల్పోయి..వాటిని ఐదు రోజుల్లోపు పూర్తి చేయలేని పక్షంలోనే రిజర్వ్ డేకు వెళ్తాం. అంటే, నాలుగో రోజు ఆటలో రెండు గంటల సేపు నష్టపోతే దాన్ని ఐదో రోజు పూర్తి చేస్తాం. చివరి రోజు అది సాధ్యం కాకపోతే రిజర్వ్ డేన ఆడిస్తాం. అంతేకానీ విన్నర్ ఎవరో తేలలేదని ఆరో రోజు ఆట కొనసాగించాం. మ్యాచ్ను డ్రా గా ప్రకటిస్తాం. మెగా ఫైనల్కు సంబంధించి ఒక రోజు ఆటలో కొన్ని గంటలు కోల్పోతే.. మ్యాచ్ రిఫరీ ఆ సమాచారాన్ని ఇరుజట్లకు, మీడియాకు ఏ రోజుకు ఆరోజు తెలియజేస్తారు. తర్వాతి రోజు ఆటలో దాన్ని సర్దుబాటు చేస్తారు. రిజర్వ్ డేకు వెళ్తున్నామా లేదా అనే అంశాన్ని ఐదు రోజు ఆట చివరి గంటలో రిఫరీనే ప్రకటిస్తారు’ అని ఐసీసీ తన ప్రకటనలో పేర్కొంది. అంతేకాక ఈ మెగా ఫైనల్కు గ్రేడ్–1 డ్యూక్బాల్ను ఉపయోగిస్తామని ప్రకటించింది. కాగా, టెస్ట్ మ్యాచ్ ప్లేయింగ్ కండిషన్స్లో ఐసీసీ ఇటీవల కొన్ని మార్పులు చేసింది. ఆ కొత్త రూల్సే డబ్ల్యూటీసీ ఫైనల్లో అమలవుతాయని ఐసీసీ పేర్కొంది.
షార్ట్ రన్స్..
ఆన్ఫీల్డ్ అంపైర్లు ప్రకటించిన షార్ట్ రన్స్ నిర్ణయాలను థర్డ్ అంపైర్ ఆటోమెటిక్గా రివ్యూ చేయవచ్చు. షార్ట్ రన్ పై తన తుది నిర్ణయాన్ని తర్వాతి బాల్ పడేలోపు థర్డ్ అంపైర్ ప్రకటించాల్సి ఉంటుంది.
ప్లేయర్ రివ్యూస్..
ఎల్బీడబ్ల్యూపై డిసెషిన్ రివ్యూ సిస్టమ్(డీఆర్ఎస్)కు వెళ్లేలోపు..సదరు డెలివరీని సక్రమంగా ఆడే ప్రయత్నం జరిగిందా లేదా అనే అంశంపై ఔటైన బ్యాట్స్మన్ లేదా ఫీల్డింగ్ జట్టు కెప్టెన్.. ఆన్ ఫీల్డ్ అంపైర్తో డిస్కస్ చేసుకోవచ్చు.
డీఆర్ఎస్ రివ్యూస్..
ఎల్బీడబ్ల్యూ రివ్యూల విషయంలో.. అంపైర్ కాల్తో తేడా రాకుండా ఉండేందుకు వికెట్ జోన్ మార్జిన్(ఎత్తు)ను స్టంప్స్ పైవరకు పెంచారు. దీంతో వికెట్ జోన్ ఎత్తు, వెడల్పు అన్ని వైపులా సమంగా ఉంటుంది.
