కూకట్పల్లి, వెలుగు: కేపీహెచ్బీ కాలనీలోని పీజీ ఉమెన్స్ హాస్టల్లో ఉంటున్న యువతి మిస్సయింది. పోలీసులు తెలిపిన ప్రకారం.. వరంగల్కు చెందిన కొయ్యడ దీపిక(25) ఈ నెల 1 నుంచి కేపీహెచ్బీ కాలనీ రెండో రోడ్డులోని వీఆర్ ఉమెన్స్ పీజీ హాస్టల్లో ఉంటోంది. గురువారం సాయంత్రం 5:30 గంటల సమయంలో హాస్టల్ నుంచి బయటికి వెళ్లి తిరిగి రాలేదు. హాస్టల్ నిర్వాహకులు దీపిక కుటుంబ సమాచారమిచ్చారు. యువతి సోదరుడు శుక్రవారం కేపీహెచ్బీ పోలీసులకు ఫిర్యాదు చేశాడు.
