- ప్యాకప్ టైమొచ్చింది
- ఎగ్జిట్ పోల్ ఎగ్జాక్ట్కావాలి
- పదేండ్ల మోసానికి ప్రజలిచ్చే తీర్పు అని వ్యాఖ్య
హైదరాబాద్:వైఎస్సార్టీపీ చీఫ్షర్మిల సీఎం కేసీఆర్ కు గిఫ్ట్ పంపారు. ‘తెలంగాణ ప్రజ‌లు చెబుతున్నారు...బైబై కేసీఆర్’ అని రాసిన లగేజ్ బాక్స్‌ను కానుకగా పంపిం చారు. లోటస్ పాండ్ లోని తన పార్టీ ఆఫీస్ లో ఏర్పాటుచేసిన ప్రెస్మీట్ లో ఆమె మాట్లాడారు.
‘తెలంగాణ అసెంబ్లీ ఎన్నికల నేపథ్యంలో వివిధ సంస్థలు ఇచ్చిన ఎగ్జిట్ పోల్స్ ఎగ్జాక్ట్కావాలి. కేసీఆర్పదేండ్ల మోసానికి తెలంగాణ ప్రజలిచ్చే తీర్పు ఇది. రేపటి దినం ఇంకో విమోచనదినం కావాలి. కేసీఆర్ తెలంగాణ ప్రజలను మోసం చేసి వెన్ను పోటు పొడిచారు. ఆయన అసమర్థ సీఎం అని పోల్స్ చెబుతున్నాయి. మేము పార్టీ పెట్టినప్పటి నుంచి కేసీఆర్అవినీతిని ఎత్తిచూపుతున్నం.
తెలంగాణ ప్రజల కోసమే మాపార్టీ పోటీ నుంచి విరమించుకుంది. సొంత పార్టీ వారు నన్ను దూషించారు. కేసీఆర్ కి ఎండ్ కార్డు పడనుంది.. ఆయనకు ప్యాకప్ చెప్పే టైం వచ్చింది’ అని అన్నారు. అయితే గతంలో ప్రగతిభవన్నుంచి బయటకి రావాలని బూట్లు, అకాల వర్షాల సందర్భంగా పాడైన పంటను ట్రక్కులో కేసీఆర్కు గిఫ్ట్కు పంపించిన సంగతి తెలిసిందే.
