మేడిపల్లి, వెలుగు: దళితబంధు పథకం కింద వాహనం, ప్రభుత్వ ఉద్యోగాలు ఇప్పిస్తామని నమ్మించి రిటైర్డ్ ఉద్యోగి ఓ వ్యక్తి నుంచి రూ. 25 లక్షలు కాజేశాడు. పోలీసుల కథనం ప్రకారం.. పీర్జాదిగూడ రాధాకృష్ణ కాలనీకి చెందిన రిటైర్డ్ ఉద్యోగి బుడుత వినోద్కుమార్ (62)కు నాలుగేళ్ల కింద ఖైరతాబాద్ ఆనంద్నగర్కు చెందిన చందనగిరి శ్రీకాంత్ (35) పరిచయమయ్యాడు.
వినోద్కుమార్ కుమారులకు, కుమార్తెకు ప్రభుత్వ ఉద్యోగాలు ఇప్పిస్తానని నమ్మించి దశలవారీగా రూ. 14.24 లక్షలు, దళితబంధు వాహనం మంజూరు చేయిస్తానని రూ. 2 లక్షలు, వ్యక్తిగత అవసరాల కోసం మరికొంత మొత్తంతో కలిపి మొత్తం రూ. 25 లక్షలను శ్రీకాంత్ వసూలు చేశాడు. అయితే, చెప్పినట్లుగా ఉద్యోగాలు ఇప్పించకపోగా, వాహనం కూడా మంజూరు చేయించలేదు. బాధితుడు డబ్బులు తిరిగి అడగగా, శ్రీకాంత్ ఇచ్చిన చెక్కులు బౌన్స్ అయ్యాయి. ఈ ఘటనపై బాధితుడు శుక్రవారం ఫిర్యాదుతో మేడిపల్లి పోలీసులు కేసు నమోదు చేసి దర్యాప్తు చేస్తున్నారు.
