వికారాబాద్, వెలుగు: ధారూర్ నుంచి కోట్పల్లి వెళ్లే మార్గంలో నాగసముందర్ వద్ద కోట్పల్లి వాగుపై హైలెవల్ బ్రిడ్జి నిర్మాణానికి రూ.27.50 కోట్లు మంజూరు చేయించినట్లు అసెంబ్లీ స్పీకర్ గడ్డం ప్రసాద్ కుమార్ గురువారం ఒక ప్రకటనలో తెలిపారు. వర్షాకాలంలో లో లెవల్ బ్రిడ్జిపై రాకపోకలకు అంతరాయం కలుగుతుండడంతో సమస్యను ప్రభుత్వం దృష్టికి తీసుకెళ్లి, బ్రిడ్జి నిర్మాణానికి నిధులు మంజూరు చేయించినట్లు పేర్కొన్నారు.
