గిన్నిస్ వరల్డ్ రికార్డు బుక్లో తమ పేరు చూసుకుని మురిసిపోవాలి అనుకుంటారు చాలామంది. అందుకోసం రకరకాల విన్యాసాలు చేస్తుంటారు. అయితే, ఇతను ఎక్కువ పుల్ అప్స్ తీసి గిన్నిస్ రికార్డుల్లోకి ఎక్కాలి అనుకున్నాడు. అలాగని అందరిలా జిమ్లో కాకుండా గాల్లో పుల్ అప్స్ తీశాడు. అది కూడా హెలికాప్టర్ ల్యాండింగ్ స్లైడ్ పట్టుకుని. ఇతని పేరు రోమన్ సహ్రద్యాన్. అర్మేనియా దేశానికి చెందిన ఇతను పోలీస్ డిపార్ట్మెంట్లో కాంట్రాక్ట్ ఉద్యోగి. హెలికాప్టర్ కొంచెం ఎత్తులో గాల్లోకి లేవగానే ల్యాండింగ్ స్లైడ్ పట్టుకుని చకచకా 23 పుల్అప్స్ తీశాడు రోమన్. ఒక నిమిషంలో ఎక్కువ హెలికాప్టర్ పుల్ అప్స్ చేసిన వ్యక్తిగా రికార్డు క్రియేట్ చేశాడు.
ఇతను గాల్లో పుల్ అప్స్ చేస్తున్న వీడియో ఇంటర్నెట్లో వైరల్ అవుతోంది. వీడియోని ఇప్పటికే 78 వేల మందికి పైగా చూశారు. ఈ వీడియోని గిన్నిస్ వరల్డ్ రికార్డ్ తమ ఇన్స్టా పేజీలో పోస్ట్ చేసింది కూడా. గతంలో రోమన్ జిమ్నాస్టిక్ హై బార్ జెయింట్స్ విన్యాసాలు చేసి గిన్నిస్లోకి ఎక్కాడు రోమన్.
