ఈ ఇంటర్నెట్ యుగంలో రోజుకో విషయం ట్రెండింగ్ లో నిలుస్తోంది. ఇప్పటివరకు అల్లం టీ, లెమన్ టీ.. లాంటి టీల గురించి అందరికీ తెలిసిందే. కానీ రసగుల్ల టీ, ఎగ్ టీ, చిల్లీ టీ.. లాంటి వెరైటీ పేర్లతో పాపులర్ అయిన టీల గురించి ఎప్పుడైనా విన్నారా..?
పశ్చిమ బెంగాల్ బెల్ఘరియాలోని ఆకాష్ సాహా నడిపే ఈ టీ దుకాణంలో బిర్యానీ టీ, రసగుల్లా టీ స్పెషల్ టీలుగా నిలుస్తున్నాయి. ఈ టీ దుకాణం బెల్గారియా స్టేషన్ యొక్క నాల్గవ ప్లాట్‌ఫారమ్‌లో ఉంది. దీన్ని సుమారు 17 సంవత్సరాల నుంచి ఇక్కడ ఉన్నట్టు సమాచారం. దుకాణం తెరిచినప్పటి నుండి మిల్క్ టీ, ఆల్కహాల్ టీ అందుబాటులో ఉన్నప్పటికీ, ఇప్పుడు మెనూలో కొత్త టీ రుచులు జోడించబడ్డాయి. ఫలితంగా ఈ టీ దుకాణం అందరికీ ఇష్టమైన ప్రదేశంగా మారింది..
“లాక్ డౌన్ తర్వాత షాప్ తెరిచినప్పుడు కస్టమర్లు ఎవరూ లేరు. ఆ సమయంలో టీతో ఏదైనా కొత్తది సృష్టించాలనే ఆలోచన వచ్చింది. అప్పటి నుంచి వివిధ రకాల ప్రత్యేక టీలను తయారుచేస్తున్నాం. నేటి ప్రత్యేక టీలలో ఎగ్ టీ, చిల్లీ టీ, రసగుల్ల టీ, చాక్లెట్ టీ, కోల్డ్ కాఫీ, హాట్ కాఫీ, బిర్యానీ టీ ఉన్నాయి" అని నిమ్టా నివాసి అయిన యజమాని ఆకాష్ సాహా తెలిపారు.
ఈ టీలు రూ.5 నుంచి రూ.60 వరకు ధరలతో అందుబాటులో ఉన్నాయి. ప్రేమికుల రోజున కేవలం రసగుల్ల టీనే అందిస్తున్నట్లు వ్యాపారులు తెలిపారు. ఇతర రకాల టీలు ఎల్లప్పుడూ అందుబాటులో ఉంటాయన్నారు. వీటిలో ఎగ్ టీ, గ్రీన్ టీ సోషల్ మీడియాలో పాపులర్ కావడంతో స్టోర్‌లో డిమాండ్ పెరిగిందని చెప్పారు. పచ్చి మిరపకాయలతో కూడిన చిల్లీ టీ ధర దాదాపు 20 రూపాయలు. ఎగ్ టీ ధర 20 నుంచి 50 రూపాయల వరకు ఉంటుంది. ఈ ఎగ్ (గుడ్డు) టీని తయారు చేయడానికి, పచ్చి గుడ్లను వేడి పాల టీలో గిలక్కొడతారు. ఆ తర్వాత, టీలో గుడ్డును ఉందని కూడా గుర్తించలేం అని వ్యాపారులు చెబుతున్నారు.
ఈ టీ దుకాణం ఉదయం 7 గంటలకు తెరిచి, రాత్రి 11 గంటలకు మూసివేస్తారు. న్యూ జనరేషన్ యువతీ యువకులు తమ ఇష్టానుసారం టీ తాగడానికి రోజులో వివిధ సమయాల్లో ఈ ప్రదేశానికి చేరుకుంటున్నారు. ఇక ఈ స్టాల్‌లో రోజుకు సగటున 200 కప్పుల టీ అమ్ముడవుతోంది.
