ప్రస్తుతం దేశవ్యాప్తంగా ఉన్న సినిమా లవర్స్ ఈగర్ గా వెయిట్ చేస్తున్న కాంబో ఏదంటే టక్కున గుర్తొచ్చేసింది మహేష్(Mahesh babu) అండ్ రాజమౌళి(Rajamouli)నే. ఇండియాలోనే అత్యంత భారీ బడ్జెడ్ తో, కానీ వినీ ఎరుగని రేంజ్ లో ఈ సినిమా తెరకెక్కుబోతున్న విషయం తెలిసిందే. ఇప్పటికే ఈ సినిమాకు సంబందించిన స్క్రిప్ట్ వర్క్ కూడా కంప్లీట్ అయ్యిందని రచయిత విజయేంద్ర ప్రసాద్ తెలిపారు.
అయితే తాజాగా వినిపిస్తున్న సమాచారం మేరకు ఈ సినిమా కోసం మూడు నెలల ట్రైనింగ్ లో పాల్గొననున్నాడట మహేష్. ఇక్కడ మరో విశేషం ఏంటంటే.. మహేష్ తో పాటు ఈ ట్రైనింగ్ లో మరో ఇద్దరు స్టార్ హీరోలు కూడా పాల్గొంటారని సమాచారం. ఆ ఇద్దరు మరెవరో కాదు. బాలీవుడ్ మిస్టర్ పర్ఫెక్ట్ ఆమీర్ ఖాన్(Aamir khan), మరో స్టార్ హీరో రణవీర్ సింగ్(Ranvir singh). ఈ ఇద్దరు హీరోలు కూడా ఈ ట్రైనింగ్ లో పాల్గొననున్నారట.
ఈ న్యూస్ తెల్సుకున్న ఫ్యాన్స్ ఈ ఇద్దరు కూడా ఈ సినిమాలో యాక్ట్ చేస్తున్నారా అంటూ కామెంట్స్ చేస్తున్నారు. ఇప్పటివరకు ఈ సినిమాలో నటిస్తున్న ఇతర నటీనటులపై ఎటువంటి అధికారిక ప్రకటన రాలేదు. దీంతో సడెన్ గా వినిపిస్తున్న ఈ న్యూస్ తో ప్రేక్షకులు అవాక్కవుతున్నారు.
మహేష్ బాబు అంటేనే సినిమా ఓ రేంజ్ ఉంటుంది అనుకున్నాం. ఇక అమీర్, రణబీర్ ఎంట్రీతో సినిమా నెక్స్ట్ లెవల్ కు వెళ్లడం ఖాయం అంటూ కామెంట్స్ పెడుతున్నారు. ఈ వార్త గనక నిజమైతే మాత్రం ఇండియా నుండి మరో వరల్డ్ క్లాస్ సినిమా వస్తుందనడంలో ఎలాంటి సందేహంలేదు. మరి ఈవార్త నిజమేనా అనేది తెలియాలంటే అధికారిక ప్రకటన రావాల్సిందే.
