కేజీబీవీని సందర్శించిన కలెక్టర్

కేజీబీవీని సందర్శించిన కలెక్టర్

కరకగూడెం, వెలుగు: భద్రాద్రి కొత్తగూడెం జిల్లా కరకగూడెం కస్తూర్భా గాంధీ పాఠశాలను కలెక్టర్​ జితేశ్​వి.పాటిల్​ సోమవారం సందర్శించారు. ఈ సందర్భంగా ఆయా తరగతులను సందర్శించి విద్యార్థులతో మాట్లాడి టీచింగ్​విధానం, వారి విద్యాభ్యాసాలపై ఆరా తీశారు.  స్కూల్ పరిసరాల్లోని వసతి గదులు, భోజనాల గది, ఫర్నిచర్, పారిశుధ్య పరిస్థితులను పరిశీలించారు. విద్యార్థులకు కావలసిన మౌలిక సదుపాయాలు, ఇతర వసతులు, కంప్యూటర్​ ల్యాబ్, డిజిటల్​ తరగతుల ఏర్పాటుపై చర్యలు తీసుకోవాలని స్పెషల్​ ఆఫీసర్​ శ్రీదేవిని ఆదేశించారు. 

అనంతరం మండల కేంద్రంలో నిర్మాణంలో ఉన్న తాత్కాలిక నవోదయ స్కూల్​ పనులను కలెక్టర్​ పరిశీలించి, పనులు త్వరగా పూర్తి చేయాలని సూచించారు. కార్యక్రమంలో ఎంఈవో జి.మంజుల, తహసీల్దార్ గంట ప్రతాప్, డీటీ వట్టం కాంతారావు, ఆర్ఐ పి. కృష్ణ ప్రసాద్, ఏఈ శ్రీనివాస్, ఎంపీవో మారుతి యాదవ్, సెక్రటరీ రామకృష్ణ పాల్గొన్నారు.