- మంత్రి సబితారెడ్డి, లెక్చరర్ల హర్షం
హైదరాబాద్, వెలుగు: రాష్ట్రంలోని సర్కారు జూనియర్ కాలేజీల్లో 2021–-2022 అకడమిక్ ఇయర్కు సంబంధించి ఇప్పటికే లక్ష అడ్మిషన్లు దాటాయి. 405 కాలేజీల్లో గురువారం నాటికి 1,00,687 మంది స్టూడెంట్లు అడ్మిషన్లు పొందారు. వీరిలో18,144 మంది ఒకేషనల్స్టూడెంట్లు, 82,543 మంది జనరల్ స్టూడెంట్లు ఉన్నారు. గ్రేటర్ హైదరాబాద్లోని కాలేజీల్లో స్టూడెంట్లు భారీగా చేరారు. నిరుడు ఫస్టియర్లో అన్ని కాలేజీల్లో కలిపి 85,993 మంది చేరగా, ఈసారి అడ్మిషన్లు భారీగా పెరగడంపై విద్యాశాఖ మంత్రి సబితా ఇంద్రారెడ్డి హర్షం వ్యక్తం చేశారు. ఈ సందర్భంగా ఇంటర్ విద్యా జేఏసీ చైర్మన్ మధుసూదన్రెడ్డి నేతృత్వంలో లెక్చరర్లు.. మంత్రిని, ఇంటర్ బోర్డు సెక్రటరీ ఉమర్ జలీల్ ను కలిసి స్వీట్లు పంచి సంతోషం వెలిబుచ్చారు. మంత్రి సబిత.. సిలబస్ మారిన ఫస్టియర్ ఇంగ్లిష్, సెకండ్ ఇయర్ తెలుగు సబ్జెక్టు పుస్తకాలను రిలీజ్ చేశారు.
