బల్లిని చూస్తేనే గంతులేస్తారు.. బొద్దింక కనిపిస్తే బెంబేలు.. కుక్క వెంటపడితే పరుగో పరుగు.. ఇక పాము అల్లంత దూరాన కనిపించినా కంగారు పుడుతుంది.. అలాంటిది ఈ పిల్లోడు ఏంట్రా అంటే.. మెడలో రుద్రాక్ష మాల వేసుకున్నట్లు పాములు వేసుకున్నాడు.. ఒళ్లో బొమ్మలు పెట్టుకున్నట్లు మెసలిని పెట్టుకున్నాడు.. కుక్కను ఇంట్లో పెంచుకున్నట్లు.. పులితో ఆడుకుంటున్నాడు.. ఇవన్నీ ఒక్క పిల్లోడు చేసినవే.. ఈ పిల్లోడుని చూసిన ఇంటర్నెట్ నెటిజన్లకు సైతం ఇప్పుడు చెమటలు పడుతున్నాయి..
ఎప్పుడు..ఎక్కడ జరిగిందో తెల్వదు కానీ అక్టోబర్ 15న నౌమన్ హాసన్ అనే వ్యక్తి తన ఇన్‌స్టాగ్రామ్ లో పోస్ట్ చేసిన ఈ వీడియో వైరల్ అవుతోంది. ఇప్పటి వరకు ఈ వీడియోకు 7 లక్షలకు పైగా లైక్స్ వచ్చాయి.
చిన్న పిల్లాడు కుర్చీలో కూర్చుండగా.. తన మెడకు పామును చుట్టుకుని ప్రశాంతంగా దానితో ఆడుకుంటున్నాడు. అలాగే పిల్ల మొసలి అతని ఒడిలో పడుకుని ఉంది. అంతేగాదు పిల్లాడి వెనకాలు పులి కూర్చుని ఉంది. ఈ వీడియో చూసిన వాళ్లకే చెమటలు వస్తుండగా పిల్లాడు మాత్రం కొంచెం కూడా భయం లేకుండా బొమ్మలతో ఆడుకుంటున్నట్లు ఆడుకుంటున్నాడు.
ALSO READ : నీ డేర్ మామూలుదా : మొసలిని భుజాలకెత్తుకున్నాడు
ఈ వీడియోపై ఒక్కొక్కరు ఒక్కో విధంగా కామెంట్ చేస్తున్నారు. ముసలి ఏదో చెప్పేందుకు ప్రయత్నిస్తందని..దయచేసి మొసలి నోరు తెరవాలని కామెంట్ చేస్తున్నారు.
