యాదాద్రి భువనగిరి జిల్లా: కరోనా కేసులు రోజు రోజుకి పెరుగుతున్న క్రమంలో యాదగిరిగుట్టలో మినీ లాక్ డౌన్ ప్రకటించారు. మే 5 నుండి 10 రోజుల పాటు మినీలాక్ డౌన్ ఉంటుందని తెలిపారు యాదగిరిగుట్ట మున్సిపల్ చైర్ పర్సన్ ఎరుకల సుధ. కరోనా కట్టడికి యాదగిరిగుట్టలో మే 5వ తేదీ నుండి 10 రోజుల పాటు ప్రతిరోజు మధ్యాహ్నం 2 గంటల నుండి లాక్ డౌన్ ఉంటుందని..ఇందుకోసం ప్రజలందరూ సహకరించాలన్నారు. ఈ క్రమంలోనే స్వచ్ఛందంగా షాపుల మూసివేతకు షాప్ ఓనర్ల నిర్ణయం తీసుకున్నారని తెలిపారు. మధ్యాహ్నం 2 తర్వాత ఇండ్ల నుండి బయటకు రావద్దని ప్రజలకు సూచించారు మున్సిపల్ చైర్ పర్సన్. అత్యవసర, నిత్యావసర సేవలకు మినహాయింపు ఉంటుందన్నారు. అవసరం అయితేనే బయటకు రావాలని కరోనాపై జాగ్రత్తలు పాటించాలన్నారు. ప్రతి ఒక్కరూ మాస్కులు ధరించాలని.. సోషల్ డిస్టెన్స్ పాటించాలని తెలిపారు.
