రోజుకో అరటిపండు తింటే ఆకలి భాద కాస్త దూరమవుతుంది ! కానీ మీరు తినేదానికంటే తినే సమయం ముఖ్యమని గుర్తుంచుకోండి. ఎందుకంటే అరటిపండ్లు పోషకాలకు నిలయం. వీటిలో పొటాషియం, విటమిన్ బి6, ఫైబర్, మెగ్నీషియం పుష్కలంగా ఉంటాయి. అయితే మీరు వాటిని ఎప్పుడు తింటారనే దానిపై ఆధారపడి వాటి ప్రభావం మారొచ్చు. మరి, అరటిపండు ఎప్పుడైనా తినవచ్చా ? అంటే అందుకు సమాధానం లేదు!
అరటిపండు ఎప్పుడు తినాలి, తినకూడదు అంటే : బ్రేక్ ఫాస్ట్ కు ముందు తినడానికి సరైన స్నాక్ అరటిపండు. టిఫిన్ కి ముందు లేదా టిఫిన్ తో పాటు అరటిపండు తినడం వల్ల మధ్యాహ్నం ఆకలిని తట్టుకోవచ్చు. తక్కువ పండిన అరటిపండ్లలో ఫైబర్ (ఒక అరటిపండుకు దాదాపు 3 గ్రా), రెసిస్టెంట్ స్టార్చ్ ఉండటం వల్ల మీరు ఎక్కువసేపు కడుపు నిండినట్లు ఉంటారు ఇంకా జీర్ణ ప్రక్రియకు సపోర్ట్ చేస్తుంది. అంతేకాకుండా అరటిపండ్లలో పొటాషియం, విటమిన్ B6 పుష్కలంగా ఉంటాయి. ఇవి శక్తి, జీర్ణ ప్రక్రియ, రోగనిరోధక పనితీరుకు కూడా సహకారిస్తాయి.
వ్యాయామానికి లేదా జిమ్ కి ముందు: అరటిపండ్లు అనేది కార్బోహైడ్రేట్లు, ఇవి 15–30 నిమిషాల్లో జీర్ణమై త్వరగా శక్తినిస్తాయి. ఇవి జిమ్ వెళ్లేవారికి ఇష్టమైనవి, కండరాల పనితీరుకు శక్తిని ఇవ్వడానికి పొటాషియంతో పాటు కార్బోహైడ్రేట్లను అందిస్తాయి.
భోజనంతో పాటు అరటిపండ్లు : అరటిపండ్లను భోజనంతో పాటు తీసుకోవడం వల్ల జీర్ణ ప్రక్రియ మెరుగుపడుతుంది. రెసిస్టెంట్ స్టార్చ్‌తో నిండిన పూర్తిగా పండని అరటిపండ్లు ప్రీబయోటిక్స్‌గా పనిచేస్తాయి. కానీ ముఖ్యమైన విషయం ఏమిటంటే మీరు వాటిని డైరెక్ట్ తింటే, మీ రక్తంలో చక్కెర స్థాయిలు పెరగవచ్చు. ప్రోటీన్ లేదా ఆరోగ్యకరమైన కొవ్వులు అంటే ఏదైనా గింజలు లేదా పెరుగు కలిపి తినడం ద్వారా అరటిపండ్ల నుండి శక్తి విడుదలను నెమ్మదిస్తుంది.
మంచి నిద్ర: మీరు నిద్రపోవడంలో ఇబ్బంది పడుతున్నారా? అరటిపండు తినడం వల్ల కండరాలకు విశ్రాంతినిచ్చే మెగ్నీషియం, పొటాషియం లభిస్తాయి, మెలటోనిన్ ఉత్పత్తికి సహాయపడే B6 కూడా లభిస్తుంది. అరటిపండని నిద్ర పోవడానికి ముందు తింటే మంచి నిద్రకు సహకరిస్తుంది. కానీ కొన్ని పరిశోధనలు సాయంత్రం అరటిపండ్లు తినడం వల్ల రక్తంలో చక్కెర స్థాయి పెరుగుతుందని, కొంతమందికి నిద్రకు కూడా హాని కలిగించవచ్చని హెచ్చరిస్తున్నాయి.
తినకూడని సమయం: కొంతమంది నిపుణులు అరటిపండ్లను ఒక్కటే తినడం వల్ల, ముఖ్యంగా బాగా పండిన పండుతో త్వరగా శక్తి పెరుగుతుంది, అలాగే కొందరికి జీర్ణ ప్రక్రియలో ఇబ్బంది కలుగుతుందని లేదా జీర్ణ ప్రక్రియకు ఇబ్బంది కలిగిస్తుందని సూచిస్తున్నారు. అందుకే ఖాళీ కడుపుతో అరటిపండ్లు తినకూడదు.
అరటిపండ్లు ప్రతిరోజు తినే ఒక చిరుతిండి, కానీ మీరు వాటిని ఎప్పుడు తింటున్నారు అనేదే తేడా చూపిస్తుంది. టిఫిన్ లేదా ఎక్సయిజ్ ముందు తింటే జీర్ణాశయానికి, బలానికి శక్తిని ఇస్తుంది. అదే పడుకునే ముందు తింటే మంచి నిద్రకి సహకరిస్తుంది. ఖాళీ కడుపుతో తినాలనుకుంటే కేవలం అరటిపండ్లపై మాత్రమే ఆధారపడకుండా, పాలు లేదా ఫ్రూట్ జ్యూస్ లేదా ఫ్రూట్ సలాడ్, డ్రై ప్రూప్ట్స్ ఇంకా వేరే ఇతర పండ్లతో కలిపి తిన్న ఎంతో మేలు చేస్తుంది.
