- మూడు రోజుల్లో లక్ష టన్నుల బొగ్గు ఉత్పత్తికి విఘాతం
- సంస్థకు రూ.35 కోట్లకు పైగా వాటిల్లిన నష్టం
భద్రాద్రికొత్తగూడెం, వెలుగు :ఎడతెరిపిలేని వానలతో సింగరేణి ఓపెన్కాస్టుల్లో బొగ్గు వెలికితీతపై ఎఫెక్ట్ పడింది. మూడు రోజుల్లో లక్ష టన్నులకుపైగా ఉత్పత్తికి ఆటంకం ఏర్పడింది. దాదాపు రూ.35కోట్లకుపైగా నష్టం వాటిల్లింది. సింగరేణిలో బొగ్గు ఉత్పత్తిలో ఓపెన్కాస్ట్ మైన్స్కీలకంగా ఉన్నాయి.
రాత్రి షిఫ్ట్లో వాన ఎక్కువగా కురుస్తుండడంతో ఎక్కడికక్కడే డంపర్లు నిలిచిపోతున్నాయి. బుధవారం శ్రీరాంపూర్ఏరియా ఓసీల్లో 43 శాతం, మణుగూరులో 36, మందమర్రిలో 39, ఇల్లెందులో 65, ఆర్జీ–3లో 50, భూపాలపల్లిలో 43 శాతం మాత్రమే బొగ్గు ఉత్పత్తి జరిగింది. వరుస వానల కారణంగా ఓపెన్కాస్టుల్లోని రోడ్లపై నుంచి డంపర్లు జారే చాన్స్ ఉండడంతో తవ్విన బొగ్గును కూడా పని ప్రదేశంలోనే నిల్వ ఉంచారు.
