మీర్ పేట్, వెలుగు: అదృశ్యమైన ఓ వ్యక్తి అనుమానాస్పదంగా మృతిచెందాడు. పోలీసులు తెలిపిన వివరాల ప్రకారం.. సిద్దిపేట జిల్లా గజ్వేల్ కు చెందిన సర్వ చిరంజీవి(45) ఇంటర్నెట్ షాప్నిర్వహిస్తున్నాడు. ఈ నెల 24న సాయంత్రం గోవా వెళ్తున్నానని భార్యకు చెప్పి బయలుదేరాడు. 27న అతనికి ఫోన్చేస్తే స్విచ్ ఆఫ్ వచ్చింది. కుటుంసభ్యులు వెతికినా ఆచూకీ లభించకపోవడంతో గజ్వేల్ పోలీస్ స్టేషన్లో ఫిర్యాదు చేశారు.
దీంతో పోలీసులు మిస్సింగ్కేసు నమోదు చేశారు. మంగళవారం మధ్యాహ్నం శామీర్ పేట్ పోలీస్ స్టేషన్ పరిధిలోని కట్ట మైసమ్మ చెరువులో గుర్తు తెలియని వ్యక్తి మృతదేహం కనిపించడంతో శామీర్ పేట్పోలీసులు గజ్వేల్ఠాణాకు సమాచారం ఇచ్చారు.
పోలీసులు చిరంజీవి అల్లుడు మహంకాళి ఉదయ్ కుమార్ను పంపించగా.. అతను సంఘటన స్థలానికి వెళ్లి మృతదేహం తన మామదేనని గుర్తించాడు. ఆర్థిక లేదా ఇతర కారణాల వల్ల మనస్తాపానికి గురై ఆత్మహత్య చేసుకొని ఉండవచ్చిన ప్రాథమికంగా అంచనాకు వచ్చామని పోలీసులు తెలిపారు. అనుమానాస్పద మృతిగా కేసు దర్యాప్తు చేస్తున్నట్లు పోలీసులు పేర్కొన్నారు.
