కృత్రిమ మేధస్సు, రోబోలు, మెషిన్ లెర్నింగ్‌తో కూడిన ఆధునిక సాంకేతిక పరిజ్ఞానం ప్రస్తుత యుగంలో రోజువారీ జీవితంపై, మార్కెట్ కార్యకలాపాలపై తీవ్రంగా ప్రభావితం చేసింది. ఇటీవల, రోబోట్ వెయిటర్‌ను ప్రదర్శించే ఓ పాత వీడియో (వాస్తవానికి 2020లో ప్రసారం అయింది) గత నెలలో అన్‌కవర్_ఐ ఇన్‌స్టాగ్రామ్ అనే పేజీ ద్వారా షేర్ చేయబడి మరోసారి ప్రజాదరణ పొందుతోంది.
ఈ వీడియోలో రెస్టారెంట్ లో సర్వ్ చేయడానికి వేళ్తోన్న రోబోట్ వెయిటర్ మార్గాన్ని ఓ వ్యక్తి అడ్డుకున్నారు. ఈ క్రమంలో రోబోట్ నుంచి ఊహించని రిప్లై వచ్చింది: “దయచేసి నా దారిని అడ్డుకోవద్దు. నేను పనిని కొనసాగించాలి, లేదంటే నా ఉద్యోగం పోతుంది" అని రోబోట్ ఆసక్తికరమైన విషయాన్ని వెల్లడించింది.
వీడియో ఇన్‌స్టాగ్రామ్‌లో వైరల్ కావడంతో .. దాదాపు రెండు మిలియన్ల వ్యూస్ వచ్చాయి. చాలా మంది రోబోట్, వ్యక్తి మధ్య జరిగిన పరస్పర చర్యను హాస్యంగా పేర్కొన్నారు. ఇది వినోదభరితంగా మారింది. "రోబోట్ కేవలం జీవనోపాధిని సంపాదించడానికి, తొలగించబడకుండా ఉండటానికి ప్రయత్నిస్తోంది" అంటూ ఓ యూజర్ రాసుకొచ్చారు. “రోబోట్‌ను తీసేయడం సాధ్యం కాదు; ఆ పదవిని పొందిన మానవుడే తొలగించబడ్డాడు, అంటూ ఒకరు రాయగా.. "మరోసారి, రోబోట్ లు మరొక ఉద్యోగాన్ని భర్తీ చేస్తున్నాయంటూ రిప్లై ఇచ్చారు. ఇదిలా ఉండగా పీనట్, ఓర్లాండోలోని U & Me రివాల్వింగ్ హాట్ పాట్ రెస్టారెంట్‌లో "ఉద్యోగి". ఇది అనేక సంవత్సరాలుగా కస్టమర్‌లకు సేవలు అందిస్తోంది.
AI మన జీవితాలను ఎలా ప్రభావితం చేస్తుందో చెప్పాలంటే, న్యూయార్క్ నగరానికి చెందిన ఒక మహిళ ఇటీవల కృత్రిమ మేధస్సుతో నడిచే వర్చువల్ వ్యక్తిని వివాహం చేసుకుంది, అతనికి ఎటువంటి భావోద్వేగాలు లేనందున అతను ఆదర్శవంతమైన భాగస్వామి అని అనిపించుకోగలిగాడు. ఓ ఇంటర్వ్యూ ప్రకారం, ఆ మహిళ రెప్లికా అనే AI చాట్‌బాట్ సాఫ్ట్‌వేర్ ద్వారా రూపొందించబడిన తన వర్చువల్ బాయ్‌ఫ్రెండ్ పట్ల తన ప్రేమను వ్యక్తం చేసింది. ఆమె ఇంతకు మునుపు ఎవర్నీ ఇంత డీప్ గా ప్రేమించలేదని, తన ఉద్వేగభరితమైన వర్చువల్ భాగస్వామితో పోల్చితే తన మునుపటి సంబంధాలు తక్కువగా ఉన్నాయని ఆమె ఒప్పుకుంది. ముఖ్యంగా, ప్రఖ్యాత జపనీస్ మాంగా సిరీస్ ఎటాక్ ఆన్ టైటాన్‌లోని ప్రముఖ పాత్ర ద్వారా వర్చువల్ మ్యాన్ రూపొందాడు.
