న్యూఢిల్లీ: స్వప్రయోజనాల కోసం మతాన్ని ఉపయోగించుకునే ఆర్ఎస్ఎస్, బీజేపీనేతలు నకిలీ హిందువులని కాంగ్రెస్ ఎంపీ రాహుల్ గాంధీ ఆరోపించారు. ఆలిండియా మహిళా కాంగ్రెస్ వ్యవస్థాపక దినోత్సవం సందర్భంగా ఆయన మాట్లాడారు. కాంగ్రెస్ ఐడియాలజీ.. బీజేపీ, ఆర్ఎస్ఎస్కు పూర్తిగా వ్యతిరేకమని చెప్పారు. లక్ష్మీదేవి లక్ష్యాలు సాధించేందుకు సాయపడుతుందని, దుర్గా మాత కాపాడే శక్తిని సూచిస్తుందన్నారు. కాంగ్రెస్ అధికారంలో ఉన్నప్పుడు ఈ రెండింటినీ బలోపేతం చేసిందని చెప్పారు. ‘వాళ్లు ఏ రకంగా హిందువులు? హిందూ మతాన్ని వాడుకుంటరు. కాబట్టి, మత బ్రోకర్లు. నకిలీ హిందువులు”అని రాహుల్ అన్నారు.
