ఎప్పుడూ ఒకే వెరైటీ అంటే తినడానికి బోర్ కొడుతుంది. పిల్లలు కొత్త రుచులంటే ఎగిరి గంతేస్తారు. సండే రోజె వెరైటీ ఫుడ్ కోసం ఎదురుచూస్తుంటారు. అందుకే చాలా మంది సండే స్పెషల్ ఏంటని అడుగుతుంటారు కూడా. అందుకే ఈ సండే రోజె వెరైటీగా చికెన్ మెజెస్టిక్.. ప్రాన్స్ పకోడి ఎలా తయారు చేయాలో ఈ స్టోరీలో తెలుసుకుందాం. . .!
చికెన్ మెజెస్టిక్ తయారీకి కావాల్సినవి
- బోన్లెస్ చికెన్ – పావు కిలో
- నూనె, ఉప్పు – సరిపడా
- మిరియాల పొడి – అర టీస్పూన్
- అల్లం వెల్లుల్లి పేస్ట్ – ముప్పావు టీస్పూన్
- మొక్కజొన్న పిండి, పెరుగు – నాలుగు టేబుల్ స్పూన్లు
- కోడిగుడ్డు – ఒకటి
- వెల్లుల్లి తరుగు – రెండు టేబుల్ స్పూన్లు
- పచ్చిమిర్చి – ఐదు
- కరివేపాకు, కొత్తిమీర – కొంచెం
- పసుపు, కారం, ధనియాల పొడి – ఒక్కోటి అర టీస్పూన్ చొప్పున
చికెన్ మెజెస్టిక్ తయారీ విధానం : ఒక గిన్నెలో చికెన్, ఉప్పు, మిరియాల పొడి, అల్లం వెల్లుల్లి పేస్ట్, మొక్కజొన్న పిండి, కోడిగుడ్డు వేసి కలిపి అరగంట పక్కన పెట్టాలి. ఒక పాన్లో నూనె వేడి చేసి అందులో చికెన్ వేగించాలి. మరో పాన్లో నూనె వేడి చేసి వెల్లుల్లి, పచ్చిమిర్చి తరుగు, కరివేపాకు, పసుపు, కారం, ధనియాల పొడి ఒక్కోటిగా వేస్తూ వేగించాలి. ఉప్పు, సోయాసాస్, వేగించిన చికెన్ ముక్కలు వేసి కలపాలి. చివరిగా కొత్తిమీర తరుగు చల్లాక ఒక నిమిషం కలుపుతూ వేగిస్తే రెస్టారెంట్ స్టైల్లో ఉండే హైదరాబాదీ చికెన్ మెజెస్టిక్స్ రెడీ.
ALSO READ : కష్టాలను కలుపు మొక్కల్లా ఏరేయాలి.. అప్పుడే అనుకున్నది సాధిస్తాం..!
ప్రాన్స్ పకోడి తయారీకి కావాల్సినవి :
- రొయ్యలు – అరకిలో
- ఉప్పు – సరిపడా
- పసుపు – పావు టీస్పూన్
- అల్లం వెల్లుల్లి పేస్ట్ – ఒక టేబుల్ స్పూన్
- గరం మసాలా – అర టీస్పూన్
- కారం – ఒకటిన్నర టేబుల్ స్పూన్
- కొత్తిమీర – కొద్దిగా
- పచ్చిమిర్చి – రెండు
- నిమ్మరసం – ఒక టీస్పూన్
- నూనె – రెండు టీస్పూన్లు
- మొక్కజొన్న పిండి – రెండు టేబుల్ స్పూన్లు
- శనగపిండి, బియ్యప్పిండి – ఒక్కోటి ఒకటిన్నర టేబుల్ స్పూన్ చొప్పున
ప్రాన్స్ పకోడి తయారీ విధానం : ఒక గిన్నెలో రొయ్యలు, ఉప్పు, పసుపు, అల్లం వెల్లుల్లి పేస్ట్, గరం మసాలా, కారం, కొత్తిమీర, పచ్చిమిర్చి తరుగు, నిమ్మరసం, నూనె వేసి బాగా కలపాలి. ఆ తర్వాత మొక్కజొన్న పిండి, శనగపిండి, బియ్యప్పిండి కలపాలి. కొంచెం నీళ్లు పోస్తూ కలపాలి. గంట నుంచి దాదాపు మూడు గంటలపాటు మూత పెట్టి పక్కన పెట్టాలి. ఒక పాన్లో నూనె వేడి చేసి, అందులో రొయ్యల్ని ఒక్కోటిగా వేసి తక్కువ మంట మీద వేగించాలి.
