ముంబై: టీమిండియా క్రికెట్ కు ఎనలేని సేవలందించి అత్యద్భుత కెప్టెన్ గా మన్ననలు అందుకున్న మాజీ క్రికెటర్ మహేంద్ర సింగ్ ధోనీ కొత్త ఇన్నింగ్స్‌ ప్రారంభించబోతున్నాడు. ఇప్పటికే పలు వ్యాపారాల్లో పెట్టుబడి పెట్టిన మహీ తొందర్లోనే సినిమా ఫీల్డ్‌‌లోకి అడుగు పెట్టేందుకు రంగం సిద్ధం చేసుకున్నట్లు సమాచారం. ఓ కోలీవుడ్ చిత్రం ద్వారా మహీ నిర్మాతగా మారబోతున్నట్లు తెలుస్తోంది. ఈ సినిమాలో నయనతార కీలకపాత్ర పోషించబోతుందట. ఐపీఎల్ ముగియగానే ఈ విషయంపై అధికారిక ప్రకటన రానుందని సమాచారం. ఇప్పటికే తన బయోపిక్ తో బాక్సాఫీస్ వద్ద బ్లాక్ బస్టర్ అందుకున్న మహీ.. నిర్మాతగా ఏమేర సక్సెస్ అవుతాడో చూడాలి.
