- బాలగోని బాలరాజు గౌడ్ ఆరోపణ
బషీర్బాగ్, వెలుగు: రాష్ట్రంలో కల్లును నిషేధించే కుట్రలు జరుగుతున్నాయని తెలంగాణ గౌడ కల్లు గీత సంఘాలు సమన్వయ కమిటీ చైర్మన్ బాలగోని బాలరాజు గౌడ్ ఆరోపించారు. బషీర్ బాగ్ ప్రెస్ క్లబ్లో ఏర్పాటు చేసిన సమావేశంలో ఆయన మాట్లాడారు. తమ కల్లు దుకాణాల మీద ఎక్సైజ్ ఆఫీసర్లు దాడులు చేసి భయభ్రాంతులకు గురిచేస్తున్నారన్నారు.
ఒక దగ్గర జరిగిన సంఘటనను రాష్ట్రంలోని మొత్తం కల్లు దుకాణాలకు ఆపదించడం సరికాదన్నారు. కూకట్పల్లిలో జరిగిన కల్తీ కల్లు ఘటనపై సిట్టింగ్ జడ్జితో విచారణ జరిపించి, చట్టప్రకారం చర్యలు తీసుకోవాలని డిమాండ్ చేశారు. లిక్కర్ అమ్మకాలు పెంచేందుకు కల్లు గీత వృత్తి పట్ల దుష్ప్రచారం తగదన్నారు.
