హైదరాబాద్, వెలుగు: రాష్ట్ర కేబినెట్ సమావేశం సోమవారం జరగనుంది. ముఖ్యమంత్రి రేవంత్ రెడ్డి అధ్యక్షతన సాయంత్రం 5 గంటలకు అసెంబ్లీ కమిటీ హాల్లో ఈ భేటీలో పలు కీలక బిల్లులపై చర్చించి ఆమోదం తెలపనున్నారు.
ప్రధానంగా గిగ్ వర్కర్ల సంక్షేమ బిల్లు డ్రాఫ్ట్, జీహెచ్ఎంసీ చట్టం స్థానంలో ‘కోర్ అర్బన్ యాక్ట్’ సంబంధిచిన డ్రాప్ట్ బిల్లు, జీఎస్టీ సవరణ వంటి 10 బిల్లులు ఉన్నట్లు తెలుస్తోంది. కేంద్రం తీసుకొచ్చిన సామాజిక భద్రత కోడ్ నేపథ్యంలో, “తెలంగాణ ప్లాట్ఫామ్ ఆధారిత గిగ్ వర్కర్ల రిజిస్ట్రేషన్, సామాజిక భద్రత, సంక్షేమం బిల్లు-2025” డ్రాప్ట్పై ప్రభుత్వం ఇటీవల అడ్వకేట్ జనరల్ అభిప్రాయం తీసుకుంది. ఈ బిల్లు చట్టమైతే అసంఘటిత రంగానికి చెందిన సుమారు 3 నుంచి 4 లక్షల మంది గిగ్ వర్కర్లను గుర్తించి, వారికి ఉద్యోగ భద్రత, బీమా, ఆరోగ్య పథకాలను అందించనుంది.
