విరుధ్నగర్‌: తమిళనాడులోని విరుధ్నగర్‌ జిల్లాలో దారుణం జరిగింది. రెండు వేర్వేరు పటాకుల కేంద్రాల్లో జరిగిన అగ్నిప్రమాదంలో11 మంది మృతిచెందగా, ఇద్దరు గాయాలపాలయ్యారు. జిల్లాలోని రంగపాళ్యంలోని ఓ ఫైర్వర్క్స్ యూనిట్లో జరిగిన ప్రమాదంలో ఏడుగురు సజీవ దహనమయ్యారు. గాయాలతో బయటకు తీసిన మరో ముగ్గురు కూడా మృతి చెందారు.
ఇదే జిల్లాలో కిచ్చనాయకన్‌పట్టి గ్రామంలోని పటాకుల యూనిట్లో జరిగిన బ్లాస్టింగ్లో వెంబు(35) అనే వ్యక్తి చనిపోయాడు. సమాచారం అందుకున్న ఫైర్, రెస్క్యూ టీమ్ ఘటనా స్థలానికి చేరుకొని మంటలను అదుపు చేశారు. స్వాధీనం చేసుకున్న 7 మృతదేహాలను ఇంకా గుర్తించలేదని పోలీసు ఉన్నతాధికారి ఒకరు తెలిపారు.
