భద్రాద్రికొత్తగూడెం, వెలుగు : జిల్లాలోని పలు పోలీస్ స్టేషన్ల పరిధిలో సీజ్ చేసిన దాదాపు రూ.28 కోట్ల విలువైన 11,545 కేజీల గంజాయిని గురువారం కాల్చివేసినట్లు ఎస్పీ బి. రోహిత్ రాజు తెలిపారు. హేమచంద్రాపురం సమీపంలోని నిర్మానుష్య ప్రాంతంలో కాలుష్య నియంత్రణ మండలి నిబంధనలను పాటిస్తూ డ్రగ్ డిస్పోజల్ కమిటీ ఆధ్వర్యంలో గంజాయిని దహనం చేసినట్టు ఆయన వివరించారు.
గంజాయి సేవించే వారితో పాటు రవాణా చేసే వారిపై కేసులు నమోదు చేస్తామని ఎస్పీ హెచ్చరించారు. ప్రోగ్రాంలో ఏఆర్ అడిషనల్ ఎస్పీ విజయ్ బాబు, ట్రైనీ ఐపీఎస్ విక్రాంత్ సింగ్, డీఎస్పీలు రెహమాన్, సతీశ్కుమార్, డీసీఆర్బీ సీఐ శ్రీనివాస్, ఎస్బీ ఇన్స్పెక్టర్ నాగరాజు పాల్గొన్నారు.
