హైదరాబాద్, వెలుగు: స్వయం సహాయక బృందాలకు ఈ ఏడాది రూ.18 వేల కోట్ల లోన్లు ఇవ్వనున్నట్లు పంచాయతీరాజ్ మంత్రి దయాకర్ రావు తెలిపారు. డ్వాక్రా సంఘాల ద్వారా బ్యాంకింగ్ సేవల విస్తరణ కార్యక్రమంలో భాగంగా శిక్షణ పూర్తి చేసుకున్న 424 మంది బ్యాంకింగ్ సఖిలకు గురువారం ఖైరతాబాద్ ఇన్స్టిట్యూట్ ఆఫ్ ఇంజనీర్స్ బిల్డింగ్లో బయో మెట్రిక్ డివైజ్లను మంత్రి పంపిణీ చేశారు. ఈ సందర్భంగా ఆయన మాట్లాడుతూ మహిళల్లో చైతన్యం, పట్టుదల పెరిగిందని, వారు ఆర్థికంగా బలపడ్డారన్నారు.
