ముంబైలోని నావల్ డాక్ యార్డ్ లో ఘోర ప్రమాదం చోటు చేసుకుంది. డాక్ యార్డ్ లో ఉన్న ఐఎన్ఎస్ రణ్ వీర్ నౌకలో పేలుడు సంభవించింది. ఈ ఘటనలో ముగ్గురు నేవీ సిబ్బంది ప్రాణాలు కోల్పోయారు. ఈ విషయాన్ని ఇండియన్ నేవీ అధికారులు వెల్లడించారు. ఐఎన్ఎస్ రణ్ వీర్ లోని ని ఇంటర్నల్ కంపార్ట్ మెంట్ లో ఈ ప్రమాదం జరిగిందని తెలిపారు. ఘటన జరిగి వెంటనే నౌకలోని క్రూ వేగంగా స్పందించి.. పరిస్థితులను చక్కదిద్దారని చెప్పారు.
INS Ranvir was on cross coast operational deployment from the Eastern Naval Command and was due to return to base port shortly. A Board of inquiry has been ordered to investigate into the cause: Indian Navy officials
— ANI (@ANI) January 18, 2022
కాగా, ఐఎన్ఎస్ రణ్ వీర్ నౌక.. క్రాస్ కోస్ట్ ఆపరేషన్స్ కోసం ఈస్ట్రన్ నేవల్ కమాండ్ నేతృత్వంలో పని చేస్తోంది. ఈస్ట్రన్ నేవల్ కమాండ్ బేస్ అయిన విశాఖపట్నానికి ఈ నౌక తిరిగి వెళ్లాల్సి ఉండగా ఈ సమయంలో ప్రమాదం జరిగిందని నేవీ అధికారులు తెలిపారు. ఈ ప్రమాదానికి కారణాలను తేల్చేందుకు ఎంక్వైరీ కమిటీని ఏర్పాటు చేసినట్లు చెప్పారు.
